E enjte, 6 shkurt 2003


	6.02.2003 - Trepca.net
	Lajme
	E enjte, 6 shkurt 2003


	Përmbajtja: Persona të panjohur kanë sulmuar me shufra hekuri kryetarin e Gjykatës së Qarkut në Prizrenit Engjëll Çettaj Belgët do të investojnë projektin për zhvillimin e lagjes "Iliria" në Gjilan Zh.Guinar: Drejtimi i Komunës është në duart e zyrtarëve vendorë kurse roli i UNMIK-ut është që t'i përkrahë 10 udhëtarët e lënduar po mjekohen me sukses në qendrën mjekësore në Podgoricë dhe Tivar Anëtarët e Kryesisë së LDK-së biseduan me udhëheqjen e Kuvendit Komunal të Prishtinës Analisti i GNK-së, Nikollas Uajt përsëriti se zgjidhja më e mirë për Kosovën është pavarësia e kushtëzuar Në Gjykatën e Qarkut në Gjilan filloi rigjykimi ndaj 12 ish-pjesëtarëve të UÇPBM-së Në Gjilan po rigjykohet edhe një serb, i dënuar më parë me 20 vjet burgim për krime lufte Këshilli i Sigurimit i OKB-së sot shqyrton situatën në Kosovë Solana ka pikëpamje të kundërta nga Gjingjiqi rreth zgjidhjes së statusit të Kosovës Lajiq ka akuzuar ish-komandantët e UÇPMB-së se po "radikalizojnë rrethanat politike" në Luginën e Preshevës Letra e kryeministrit serb drejtuar presidentit amerikan ka shkaktuar pakënaqësi në Uashington N. Çoviq: Policët e rinj që po aftësohen në Vushtrri janë ish-pjesëtarë të MPS dhe pjesëtarë të "Rojave të urës" Gjingjiq kërkon nga fuqitë perëndimore që bisedimet për statusin e Kosovës të fillojnë në muajin qershor Kandidati për president të Unionit Serbi-Mali i Zi thotë se shqiptarët kanë të drejtë të vendosin për ardhmërinë e vet Zëdhënësi i NATO-s thotë se situata e sigurisë në Maqedoni është stabile dhe vazhdimisht përmirësohet F. Dinosha: Partitë shqiptare nuk e pranojnë Kartën kushtetuese Serbi- Mali i Zi H. Solana: Sa më shpejt që Ballkani i afrohet Evropës, kjo do të jetë më mirë Franca thotë se Uashingtoni duhet t'u japë ende prova KB-ve se Iraku posedon armët e ndaluara Komunikata e dhjetë vendeve edhe më shumë ka thelluar ndarjet evropiane ndaj krizës irakiane Këshilli i Sigurimit mbeti i ndarë rreth luftës në Irak pas paraqitjes së Pauellit Koreja e Veriut kërcënohet me një sulm parandalues ushtarak kundër forcave amerikane SHBA-të do të kërkojnë një rezolutë të re për përdorimin e forcës në Irak, thotë Kondoliza Rajs Policia britanike ka arrestuar 7 persona në një operacion antiterrorist në katër qytete Një palestinez ka vrarë dy izraelitë afër Nablusit Ndryshime në përparësitë e transmetimeve ndërkombëtare të Shteteve të Bashkuara Takim i posacëm i NATO-s për Turqinë Reagime të Këshillit të Sigurimit pas fjalimit të Sekretarit amerikan të Shtetit Bashkimi Evropian parlajmëron Irakun: Koha po mbaron! Sekretari Pauell paraqiti në OKB një raport me materiale tepër sekrete mbi Irakun Këshilli i NATO-s diskuton për Irakun Dhjetë vende nga Evropa Lindore shpallën mbështetje të fortë për qëndrimin amerikan ndaj Irakut
	Persona të panjohur kanë sulmuar me shufra hekuri kryetarin e Gjykatës së Qarkut në Prizrenit Engjëll Çettaj Prizren, 6 shkurt 2003 - Persona të panjohur kanë sulmuar para shtëpisë së tij me shufra të hekurt kryetarin e e Gjykatës së Qarkut në Prizrenit Engjëll Çettaj para derës së shtëpisë. Me atë rast kryetari i Gjykatës të Qarkut në Prizren ka marrë lëndime të rënda në kokë dhe është dërguar në Spitalin e Prizrenit për shërim të mëtutjeshëm dhe jeta e tij nuk është në rrezik. Për këtë incident të djeshëm nuk ka dhënë hollësi as policia dhe as mjekët pranë qendrës spitalore në Prizren me arsyetim se për këtë rast janë duke u zhvilluar hetimet. Sulmin ndaj z. Çetta e ka dënuar Shoqata e Gjyqtarëve nëpërmjet një reagimi, në të cilin thuhet se ky incident ka goditur të gjithë punëtorët e gjykatës së Prizrenit dhe ata në shenjë revolte kanë marrë vendim që deri në fund të kësaj jave të bokotojnë punën, përveç në raste urgjente. Një solidaritet me kolegët e kësaj gjykate dje ka shprehur edhe trupi gjykues nga procesi gjyqësor "Drini", i cili dje ka zhvilluar seancën e pestë me radhë. Kryetari i trupit gjykues, ka thënë se sulmi mbi gjykatësin Çetta është sulm mbi drejtësinë e Kosovës. Belgët do të investojnë projektin për zhvillimin e lagjes "Iliria" në Gjilan Gjilan, 6 shkurt 2003 - Përfaqësuesit e shoqatës belge "Ballkancite", që konsiderohet se ishte një urë lidhëse deri tani mes Gjilanit dhe Iperit të Belgjikës dhe partneritetit ndërmjet tyre, në takimin e sotëm me zëvendëskryetarin e komunës, Xhemajl Hyseni thanë se do të angazhohen që projekti për zhvillimin e lagjes "Iliria" të realizohet deri në fund. Komuna e Iperit ka kërkuar një anketim hulumtues me banorët e kësaj pjese të qytetit, për t`i identifikuar prioritetet në infrastrukturën urbane, sipas një modeli që ata kanë aplikuar edhe në Belgjike, përpara se t`i qasen realizimit të projektit. Xhemajl Hyseni ka vlerësuar se projekti ka një rëndësi të veçantë për Gjilanin dhe, nëse dëshmohet funksional, mund të shërbejë në të ardhmen si model për zhvillimin e infrastrukturës dhe organizimin e tërësive më të vogla administrative brenda komunës, duke përfshirë edhe edhe fshatrat. Tani për tani qytetarët kanë qenë të kyçur vetëm në procesin e mendimdhënies së tyre në procesin e hulumtimit të nevojave që ata i ndjejnë si të domosdoshme për ta avancuar jetën në lagjen "Iliria", ndërsa ekziton edhe gatishmëria për të ndihmuar projektin edhe në fazat tjera, tha z. Hyseni në takimin me Jeroen Uytterschaut, menagjer kryesor si dhe përfaqësuesit tjerë të "Ballkancite" Guido Rasschaert dhe bashkëpunëtores së programit, Habibe Maliqi. Z. Hyseni ka thenë se komuna e Gjilanit ka shumë nevojë për përkrahje konkrete në sanimin e gjendjes së tërmetit të 24 prillit 2002, sepse vetëm, ajo e ka shumë vështirë ta mbizotërojë në tërësi gjendjen, ndërsa solidaritetin e deritashëm nga Qeveria e Kosovës, Fondi i Shtajnerit dhe disa shoqata joqeveritare vendore, që nuk peshon më shumë se një milionë euro e ka vlerësuar të pamjaftueshëm në krahasim me dëmet, të cilat kanë goditur mbi 8.500 objekte. "Ne jemi përkujdesur që asnjë familje të mos mbetet gjatë dimrit nën tenda, ndërsa duhet admiruar edhe gjestin e disa familjeve tona që kanë ofruar strehim të përkohshëm për të afërmit e tyre", ka thenë Xhemajl Hyseni. Zh.Guinar: Drejtimi i Komunës është në duart e zyrtarëve vendorë kurse roli i UNMIK-ut është që t'i përkrahë Prishtinë, 6 shkurt 2003 – Administatori rajonal i Prishtinës, Zhan Guinar, vizitoi sot Kuvendin Komunal të Prishtinës dhe bisedoi me Ismet Beqirin, kryetar, Shefki Gashin, nënkryetar dhe z. Anil Vasisht, administrator ndërkombëtar i Komunës së Prishtinës. Administratori Guinar, tha se tash e tutje drejtimi i Komunës është në duart e zyrtarëve vendorë dhe se ata janë përgjegjës, ndërsa roli i UNMIK-ut është që t'i përkrahë. Ismet Beqiri tha se Prishtina si kryeqytet i Kosovës ka probleme të mëdha, të cilat presin zgjidhje. "Do ta kemi vështirë që me buxhetin prej rreth 8 milionë euro t'i zgjidhim problemet dhe infrastrukturën e qytetit të Prishtinës, derisa kemi probleme me zgjidhjen e definimit të statusit të ndërmarrjeve komunale të Prishtinës", tha Beqiri. Gjithashtu ai tha se komuna e Prishtinës është e privuar nga e drejta për menaxhim të ndërmarrjeve dhe atëherë është e qartë se ato administratohen në mënyrë të paligjshme. Si shembull Ismet Beqiri mori ndërmarrjen komunale "Higjiena-teknika", e cila është e themeluar nga Komuna e Prishtinës. Po ashtu ai konstatoi se është absurd që Komuna e Prishtinës të mos e menaxhojë as kinematë e qytetit, pastaj Pallatin e Rinisë etj. Madje ky i fundit, tha Beqiri, është ndërtuar me vetëkontributin e qytetarëve dhe disa ndërmarrje të tjera, për të cilat nuk dimë se çfarë po ndodhë me to, pasi këto ndërmarrje nuk kryejnë kurrfarë obligimi ndaj Komunës së Prishtinës. Z.Beqiri tha se në këto kompetenca ka ndërhyrë Agjencia Kosovare e Mirëbesimit (AKM) dhe në këtë mënyrë ajo njëkohësisht edhe i ka ngatërruar kompetencat. Ndërkaq, administratori rajonal i Prishtinës, Zhan Guinar, tha se edhe ai shpreh brengën e tij rreth ndërmarrjeve komunale, por AKM është krijuar nga BE-ja për ngritjen e standardeve të Kosovës. Rreth "Higjiena-teknikës", z. Guinar tha se nëse ka pakënaqësi me punën e kësaj ndërmarrjeje, atëherë për këtë mund të vendosë Asambleja Komunale e Prishtinës dhe ajo mund të shpallë tender për pastrimin e qytetit. Nënkryetari i KK të Prishtinës, Shefki Gashi, shprehu shqetësimet e tij lidhur me mosregjistrimin, përkatësisht mosevidentimin e pronës së Komunës së Prishtinës. Duke folur rreth pronës dhe çështjen e pazgjidhur të ndërmarrjeve komunale, z. Gashi tha se ndërmarrjet komunale nuk janë krijuar as nga individët, as nga grupe individësh, porse ato menjëherë pas luftës së fundit në Kosovë janë uzurpuar nga invididë dhe grupe individësh dhe ato ende janë nën menaxhim të tyre. Ai tha se me dhjetëra ndërmarrje të Komunës së Prishtinës nuk paguajnë tatim, as nuk i japin llogari komunës. 10 udhëtarët e lënduar po mjekohen me sukses në qendrën mjekësore në Podgoricë dhe Tivar Podgoricë, 6 shkurt 2003 - Të gjithë 10 udhëtarët e lënduar në aksidentin e një autobusi që të martën në mbrëmje u rrokullis në magjistralen Podgoricë-Petrovac po mjekohen me sukses në qendrën mjekësore në Podgoricë dhe Tivar. Hetimet për aksidentin po vazhdojnë. Tani për tani është vërtetuar se autobusi me regjistrim të Prishtinës që qarkullon në relacionin Ulqin-Prishtinë ka rrëshqitur nga rruga dhe është rrokollisur 50 metra në humnerë. Anëtarët e Kryesisë së LDK-së biseduan me udhëheqjen e Kuvendit Komunal të Prishtinës Prishtinë, 6 shkurt 2003 – Kolë Berisha, nënkryetar dhe Hajzer Krasniqi e Agim Krasniqi, anëtarë të Kryesisë së LDK-së, vizituan dje pasdite Kuvendin Komunal të Prishtinës dhe u pritën nga Ismet Beqiri, kryetar e Shefki Gashi, nënkryetar i Kuvendit Komunal të Prishtinës. Kolë Berisha, tha se "jemi të kënaqur me punën tuaj të deritashme dhe shpresojmë se do t'i realizoni objektivat për të cilat keni marrë obligimeve para votuesve, të cilët edhe ju kanë zgjedhur". Duke folur për aktivitetet dhe përgjegjësitë në pushtetin lokal, nënkryetari i LDK-së, shtoi: "Ne kemi obligim të trefishtë, ndaj vetvetes, ndaj elektoratit, por edhe ndaj bashkësisë ndërkombëtare", tha Berisha dhe shprehu besimin se në të ardhmen do të ketë bashkëpunim më të ngushtë në koordinimin e punëve dhe detyrave. Kryetari i Kuvendit Komunal të Prishtinës, Ismet Beqiri tha se të udhëheqësh komunën e Prishtinës është vërtet obligim i madh, pasi dihet që Prishtina ka një varg që presin zgjidhje, aq më shumë kur këto probleme nuk janë stivuar kohëve të fundit, por ato datojnë pothuaj me dekada. Më e rendësishmja është se nuk mungon as e energjia, as vullneti për t'u përballur me sfida të këtilla, por rastet e shumëta sociale që janë shprehur te qyetarët e Prishtinës, janë fenomen për brengosje, tha z.Beqiri. Duke folur për problemet aktuale që e preokupojnë udhëheqjen aktuale të Komunës së Prishtinës, z. Beqiri tha se "tash një kohë kemi kompetenca të padefinuara në raport me AKM-në dhe pikërisht për këtë ndërmarrjet komunale dhe subjektet tjera nuk u përgjigjen obligimeve që kanë ndaj Komunës së Prishtinës". Hajzer Krasniqi, anëtar i Kryesisë së LDK-së, ndër të tjera kërkoi nga udhëheqja e Kuvendit Komunal të Prishtinës që të definohet çështja e pronës jo vetëm në Komunën e Prishtinës, por edhe në komunat tjera. Me pronën duhet të disponojnë dhe të menaxhojnë organet më të larta të kuvendeve komunale, tha Hajzer Krasniqi. Analisti i GNK-së, Nikollas Uajt përsëriti se zgjidhja më e mirë për Kosovën është pavarësia e kushtëzuar Bruksel, 6 shkurt 2003 - Qëndrimet e Qeverisë serbe ndaj Kosovës dhe qëndrimet e udhëheqësve të Kosovës mund të përshpejtojnë bisedat për statusin final të Kosovës, ka deklaruar në një intervistë për radion "Blu Skaj", analisti i Grupit Ndërkombëtar të Krizave Nikollas Uajt. Ai ka theksuar se do të ishte papjekuri nëse kryeministri serb Zoran Gjingjiq shfrytëzon deklaratat e fundit për Kosovën vetëm për politikë të brendshme. Sipas analistit Uajt Gjingjiqi e ka kuptuar përfundimisht se mbajtja e lidhjeve me Kosovën në afat të mesëm apo të gjatë i kushton shtrenjtë Serbisë. Ky analist shfaqi qëndrimin e tij se Gjingjiq nuk po flet më për parandalimin e pavarësisë së Kosovës me çdo kusht, por tani është duke folur për çmimin të cilin serbët mund ta fitojnë për këtë pavarësi. Ai është i mendimit se axhenda serbe përsa i përket Kosovës nuk është e finalizuar edhe nëse aty përfshihet edhe ndarja e territorit. Uajt edhe njëherë përsëriti qëndrimin e Grupit Ndërkombëtar të Krizave se zgjidhja më e mirë për Kosovën është pavarësia e kushtëzuar. Në Gjykatën e Qarkut në Gjilan filloi rigjykimi ndaj 12 ish-pjesëtarëve të UÇPBM-së Gjilan, 6 shkurt 2003 - Në Gjykatën e Qarkut në Gjilan filloi rigjykimi ndaj 12 ish-pjesëtarëve të UÇPBM-së të dënuar nga kjo gjykatë më herët me 23 vjet burgim meqë ishin shpallur fajtorë për transportim ilegal të armëve gjatë luftës në Luginën e Preshevës. Grupi i 12 pjesëtarëve të UÇPBM-së ishte arrestuar nga KFOR-i, mirëpo ata në procesin e parë gjyqësor kanë mohuar se janë kapur në territorin e Kosovës por në zonën pesëkilometërshe të sigurisë në Malësinë e Karadakut. Pas ankesës së mbrojtësve në këtë vendim Gjykata Supreme e Kosovës ka kthyer lëndën në rigjykim pasi ka konstatuar se aktakuza e ngritur më parë nga prokurori ndërkombëtar Majkëll Hartman ishte jolegjitime. Tani aktakuzën e përfaqëson prokurorja ndërkombëtare Elizabet Rej, kurse trupin gjykues po ashtu e kryeson një gjykatës ndërkombëtar. Edhe në seancën e djeshme të rigjykimit, të akuzuarit mohuan aktakzën, duke thënë se ndiehen të pafajshëm. Në Gjilan po rigjykohet edhe një serb, i dënuar më parë me 20 vjet burgim për krime lufte Gjilan, 6 shkurt 2003 - Në Gjilan po mbahet rigjykimi ndaj ish-komandantit të stacionit të policisë në Kamenicë, Momçillo Trajkoviq, i dënuar kohë më parë me 20 vjet për krime lufte në Kosovë. Ky proces po mbahet larg syve të publikut dhe gazetarëve dhe po drejtohet nga prokurorë dhe gjykatës ndërkombëtarë. Trajkoviq akuzohet për vrasjen e dhjetëra shqiptarëve në komunën e Kamenicës gjatë bombardimeve të NATO-s, përndjekje të popullatës shqiptare nga shtëpitë e tyre, si dhe për shkatërrim e plaçkitje të pasurisë së tyre. Këshilli i Sigurimit i OKB-së sot shqyrton situatën në Kosovë Nju-Jork, 6 shkurt 2003 - Këshilli i Sigurimit i OKB-së sot do të shqyrtojë situatën në Kosovë, ndërkaq shefi i UNMIK-ut Mihael Shtajner do të paraqesë raportin për punën e këtij misioni në Kosovë. Në seancën e sotme do të mbahet debat i përbashkët për raportin e Sekretarit të Përgjithshëm të OKV-së, Kofi Anan dhe për raportin e misionit të KS i cili vizitoi Kosovën në muajin dhjetor të vitit të kaluar. Solana ka pikëpamje të kundërta nga Gjingjiqi rreth zgjidhjes së statusit të Kosovës Beograd, 6 shkurt 2003 - Kryeministri serb Zoran Gjingjiq, pas takimit të sotëm me shefin e diplomacisë së Bashkimit Evropian Havier Solana ka deklaruar se Beogradi pret nga bashkësia ndërkombëtare që interesat dhe pozicionet e tij do të merren parasysh kur të zgjidhet statusi i Kosovës. Gjigjiq ka shtuar se nuk mund të pranojë qëndrimin se ende është herët për zgjidhjen e statusit të Kosovës. Nga ana e tij Solana ka thënë se tani nuk është momenti për zgjidhjen e statusit të Kosovës. Solana ka shtuar se BE-ja mbështet pozicionin e shefit të UNMIK-ut Mihael Shtajner dhe të mund të thotë qëndrimin e përsëritur shumë herë se standardet duhet të vendosen para zgjidhjes së statusit të Kosovës. Lajiq ka akuzuar ish-komandantët e UÇPMB-së se po "radikalizojnë rrethanat politike" në Luginën e Preshevës Beograd, 6 shkurt 2003 - Ministri aktual federal i Beogradit për bashkisitë nacionale dhe etnike, Rasim Lajiq, ka akuzuar ish-komandantët e UÇPMB-së se po përpiqen të "radikalizojnë rrethanat politike" në Luginën e Preshevës dhe se po diktojnë disponimin politik të bashkësisë shqiptare. Kjo, thotë Lajiq, po reflektohet edhe në qëndrimin e bashkësisë serbe në Bujanoc. "Nga ana serbe ka tendenca që strukturat që pësuan disfatë politike, në njëfarë mënyrë të mbajnë pozicionet të cilat i kanë pasur, gjë që do të jetë problem yni i madh", tha Lajiq. Letra e kryeministrit serb drejtuar presidentit amerikan ka shkaktuar pakënaqësi në Uashington Uashington, 6 shkurt 2003 - Kryetari i Partisë Socialdemokrate të Malit të Zi Ranko Krivokapiq tha se në Uashington letra e kryeministrit serb Zoran Gjingjiq ka shkaktuar pakënaqësi, me të cilën nga presidenti i SHBA-ve Xhorxh Bush ka kërkuar pëlqimin për kthimin e një numri të pjesëtarëve të ushtrisë jugosllave dhe të forcave të sigurimit në Kosovë. Krivokapiq thotë se në momentin kur SHBA-të janë në luftë kundër terrorizmit ndërkombëtar dhe në prag të luftës kundër Irakut, bashkëbiseduesit në Uashington këtë e kanë përjetuar si akt të pashembullt të hapjes së çështjes e cila bile as për Serbinë në këtë moment nuk është aq e rëndësishme. Për SHBA-të tani është me rëndësi të mos hapet kjo çështje, sepse trupat e tyre në Kosovë do t'i vente në një situatë të re. Për këtë arsye letra e Gjingjiqit nuk është pritur si gjest i vullnetit të mirë ndaj SHBA-ve, tha Krivokapiq, i cili i posa i dha fund një vizite në SHBA. N. Çoviq: Policët e rinj që po aftësohen në Vushtrri janë ish-pjesëtarë të MPS dhe pjesëtarë të "Rojave të urës" Beograd, 6 shkurt 2003 - "UNMIK-u ka shkelur marrëveshjen për administrimin e Mitrovicës veriore. Shërbimi Policor i Kosovës duhet të patrullojë rrugëve në veri të Mitrovicës vetëm pasi që të kryejë kursin gjenerata e parë e kadetëve që tashmë është duke u aftësuar në Akademinë policore të Vushtrrisë", ka deklaruar zëvendëskryeministri serb Nebojsha Çoviq. Ai theksoi kjo gjeneratë është përbërë nga ish-pjesëtarët e Ministrisë sër Brendshme të Serbisë dhe nga ish-pjesëtarët e "Rojave të urës". Çoviq ka thënë se Unioni i Serbisë dhe Malit të Zi do të kërkojë nga KS i OKB-së që nëpërmjet një deklarate presidenciale me rastin e shqyrtimit të çështjeve të ndërlidhura me Kosovën të ketë kujdes njësoj për interesat e Beogradit, sikur edhe për ato të Prishtinës. Ai ka theksuar se do të jetë shumë e rëndësishme nëse kjo fjali futet në deklaratën presidenciale të KS të OKB-së. Përndryshe Çoviq nuk do të marrë pjesë në seancën e sotme të KS të OKB-së, siç ishte paraparë më parë. Gjingjiq kërkon nga fuqitë perëndimore që bisedimet për statusin e Kosovës të fillojnë në muajin qershor Beograd, 6 shkurt 2003 - Kryeministri i Serbisë Zoran Gjingjiq ka deklaruar se do të kërkojë nga fuqitë perëndimore që të fillojnë bisedimet për statusin e Kosovës në qershor të këtij viti, pikërisht katër vite pas administrimit të saj nga Kombet e Bashkuara. Kandidati për president të Unionit Serbi-Mali i Zi thotë se shqiptarët kanë të drejtë të vendosin për ardhmërinë e vet Podgoricë, 6 shkurt 2003 - Politikani i njohur malazez Svetozar Maroviq, kandidat i vetëm për president të bashkësisë së re Serbi-Mali i Z, duke iu referuar Kosovës ka deklaruar se shqiptarët kanë të drejtë që të vendosin për ardhmërinë e vet, duke mbrojtur të drejtat e minoriteteve, përfshirë edhe serbët. Në një intervistë për Agjencinë Frans Press Maroviq, ka thënë se ky është problem që ka të bëjë me gjithë Ballkanin, duke theksuar njëherësh se nacionalizmi është akoma gjallë dhe se Serbia e Mali i Zi duhet ta tejkalojnë atë. Zëdhënësi i NATO-s thotë se situata e sigurisë në Maqedoni është stabile dhe vazhdimisht përmirësohet Shkup, 6 shkurt 2003 - Situata e sigurisë në Maqedoni është stabile dhe vazhdimisht përmirësohet, ka thënë zëdhënësi i NATO-s në Shkup Krejg Retklif. Ai ka shtuar se në rajonin e Tetovës dhe të Kumanovës ende ekzistojnë grupe, të cilat i krijojnë probleme popullësisë lokale, por ato nuk janë kërcënim real për sigurinë e këtij vendi. F. Dinosha: Partitë shqiptare nuk e pranojnë Kartën kushtetuese Serbi- Mali i Zi Podgoricë, 6 shkurt 2003 - Duke komentuar krijimin e bashkësisë së re Serbi-Mali i Zi, kryetari i Klubit të deputetëve shqiptarë në Kuvendin e Malit të Zi Ferhat Dinosha, ndër të tjera tha se partitë shqiptare kanë dhënë vlerësim të qartë për Kartën kushtetuese të bashkimit të ri shtetëror të Serbisë e Malit të Zi. Ajo, kanë thënë Dinosha, se është e papranueshme për shkak të një elementi që është në preambulën e kësaj karte e që Kosovën e trajton si pjesë integrale të Serbisë. "Pra kjo është e papranueshme për ne dhe ne kemi votuar kundër kësaj Karte kushtetuese", tha ai. Z. Dinosha mendon se bashkësia e re shtetërore Serbi - Mali i Zi nuk do të tregohet funksional nëse Mali i Zi dëshiron të ruajë dhe të shtojë subjektivitetin e vetë shtetëror. Sa u përket shqiptarëve në Mal të Zi, z. Dinosha tha se të drejtat e tyre do të mbeten çështje e Podgoricës, ngase shqiparët nuk kanë pranuar zgjidhje tjetër dhe se kjo zgjidhje ka mbetur edhe në Kartën kushtetuese. H. Solana: Sa më shpejt që Ballkani i afrohet Evropës, kjo do të jetë më mirë Bruksel, 6 shkurt 2003 - Sa më shpejt që Ballkani i afrohet Evropës, kjo do të jetë më mirë, ka thënë shefi për Politikë të Jashtme e Siguri i Bashkimit Evropian, Havier Solana. Në anën tjetër sekretari i përgjithshëm i Aleancës Veriatlantike Xhorxh Robertson ka theksuar se trupat evropiane në muajin mars do të marrin përsipër Misionin për stabilizimin e Maqedonisë, ndërsa në fund të këtij viti, ato do të zëvendësojnë trupat e NATO-s në Bosnje. Franca thotë se Uashingtoni duhet t'u japë ende prova KB-ve se Iraku posedon armët e ndaluara Paris, 6 shkurt 2003– Franca ka sinjalizuar sot (të enjten) se nuk do të mbështesë lehtë luftën kundër Irakut ngase Uashingtoni duhet t'u japë ende prova Kombeve të Bashkuara se Iraku posedon armët e ndaluara të shkatërrimit masiv, njofton Rojter. Komunikata e dhjetë vendeve edhe më shumë ka thelluar ndarjet evropiane ndaj krizës irakiane Bruksel, 6 shkurt 2003 - Komunikata e dhjetë vendeve, kryesisht të Evropës Lindore, edhe më shumë ka thelluar ndarjet evropiane jo vetëm ndaj krizës irakiane por edhe ndaj SHBA-ve, vlerësojnë sot analistët diplomatikë në Bruksel. Në Bruksel konsiderojnë se fare nuk është rastësi që dhjetë vendet evropiane - Estonia, Letonia. Lituania, Sllovakia, Sllovenia, Bullgaria, Rumania, Shqipëria, Maqedonia dhe Kroacia - pa kurrfarë rezervash janë reshtuar në anën e SHBA-ve në krizën irakiane dhe se kjo komunikatë ëshë lansuar pikërisht në kohën kur sekretari amerikan i Shtetit Pauell paraqiti në Këshillin e Sigurimit dëshmitë amerikane se Iraku posedon armatim për shkatërrim në masë. Para nja dhjetë ditësh një komunikatë të ngjashmee e nënshkruan pesë anëtarë të Bashkimit Evropian dhe tre kandidatët për të hyrë në BE. Në Bruksel vlerësohet se kjo e djeshmja vetëm sa ka hedhur benzinë në zjarr. Në BE tashmë është krijuar një situatë delikate i cili ka plasaritje të thella ndaj krizës irakiane, e tani shtrohet pyetja sesi BE-ja do të funksionojë në çështjet aq të rëndësishme të politikës së jashtme kur vitin e ardhshëm në vend të 15 anëtarëve të ketë 25 anëtarë. Këshilli i Sigurimit mbeti i ndarë rreth luftës në Irak pas paraqitjes së Pauellit Nju Jork, 6 shkurt 2003 – Pas prezentimit të sekretarit amerikan të Shtetit, Këshilli i Sigurimit 15-anëtarësh mbeti i ndarë rreth luftës në Irak, ndonëse u kërkua fuqishëm që Iraku sa më shpejt të dorëzojë të dhënat lidhur me programet e veta të armatimit, njofton AP. Derisa Shtetet e Bashkuara dhe Britania kanë thënë se koha po kalon shpejt për Irakun që të bashkëpunojë plotësisht me inspektorët e Kombeve të Bashkuara, Franca, Rusia, Kina dhe shumë anëtarë të tjerë të KS-së kanë bërë thirrje për vazhdimin e inspektimit dhe për zgjidhje paqësore të krizës. Ata gjithashtu kanë theksuar rëndësinë e vizitës së kësaj jave në Bagdad të kryeinspektorit Hans Bliks dhe të Muhamed el Baradeit. Koreja e Veriut kërcënohet me një sulm parandalues ushtarak kundër forcave amerikane Phenian, 6 shkurt 2003 - Koreja e Veriut ka paralajmëruar se mund të fillonte një sulm parandalues ndaj forcave amerikane nëse SHBA-të vadhdojnë të grumbullojnë forca në siujdhesën koreane. Një zyrtar i lartë i Ministrisë së jashtme verikoreane i ka deklaruar BBC se Pheniani është gjithnjë e më i shqetësuar për shkak të qëllimeve të Amerikës që në Korenë e Jugut të dërgojë aeroplanë dhe ushtarë shtesë. Ky zyrtar ka shtuar se Koreja e Veriut këtë do ta konsiderojë dëshmi se SHBA-të kanë ndërmend ta sulmojnë ose pushtojnë (Korenë e Veriut) dhe ka theksuar se ajo nuk do të rrijë duarkryq dhe të presë të sulmohet. Nëse është e nevojshme, ka deklaruar ky zyrtar, Pheniani do të mund të vendoste që i pari të fillojë një aksion ushtarak. SHBA-të do të kërkojnë një rezolutë të re për përdorimin e forcës në Irak, thotë Kondoliza Rajs Uashington, 6 shkurt 2003 - Këshilltarja e Presidentit Bush për siguri kombëtare Kondoliza Rajs ka deklaruar se Uashingtoni do të përpiqet të veprojë në miratimin e një rezolute të re të Këshillit të Sigurimit me të cilën do të lejohej përdorimi i forcës në Irak. "Çdo gjë filloi para 12 vjetëve dhe mendojmë se herët a vonë, e sa më parë që ëshë e mundur, duhet t'i drejtohemi bashkësisë ndërkombëtare dhe t'i themi Këshillit të Sigurimit se është koha që t'ia bëjmë të ditur Irakut se e presin pasoja serioze nëse nuk respekton (rezolutat e KB)", ka thënë të mërkurën zonja Rajs për rrjetin televiziv CNN, disa orë pasi sekretari i Shtetit Pauell para KS të OKB-së paraqiti dëshmi të reja për armët irakiane të shkatërrimit në masë. Policia britanike ka arrestuar 7 persona në një operacion antiterrorist në katër qytete Londër, 6 shkurt 2003 – Policia britanike ka arrestuar gjashtë burra dhe një grua në një operacion antiterrorist në katër qytete të Mbretërisë së Bashkuar, njofton BBCWorld. Ata janë arrestuar në Glazgau, Edinburg, Mançester dhe në Londër. Operacioni është kryer nga policia lokale dhe kufitare dhe ka lidhje me një operacion të tillë policor në dhjetorin e kaluar, kur qenë arrestuar 7 afrikanë veriorë. Një palestinez ka vrarë dy izraelitë afër Nablusit Jerusalem, 6 shkurt 2003 – Një palestinez i armatosur ka hapur sot heret (të enjten) zjarr në një kibuc hebraik, që ndodhet afër qytetit Nablus të Bregut Perëndimor dhe kështu ka vrarë dy izraelitë, kanë bërë të ditur burimet ushtarake, njofton Rojter. Ndërkaq, dje (të merkurën) forcat izraelite kanë vrarë pesë palestinezë, ndër të cilët dy të personelit mjekësor të qytetit të Gazës dhe një grua, e cila kishte mbetur në rrënojat e shtëpisë së saj të shkatërruar nga forcat izraelite, thonë burimet palestineze. Radioja izraelite ka njoftuar se një izraelit i tretë është plagosur në një sulm në Nablus, që është kryer para se trupat izraelite të shtijnë dhe të vrasin të armatosurin. Radioja ka thënë se grupi militant i afërt me Al Fatahun e presidentit Arafat e ka marrë përgjegjësinë për këtë sulm. Ndërkaq, kryeministri izraelit Sharon ka akuzuar Autoritetin palestinez se po e orkestron dhe po e financon dhunën, por zyrtarët palestinezë e kanë mohuar këtë. Ndryshime në përparësitë e transmetimeve ndërkombëtare të Shteteve të Bashkuara Uashington, 6 shkurt 2003 - Administrata e presidentit Bush ka në plan të ndryshojë përparësitë e transmetimeve ndërkombëtare të Shteteve të Bashkuara duke pakësuar transmetimet për Evropën Qendrore dhe Lindore dhe duke shtuar transmetimet për botën arabe dhe myslimane. Ky ndryshim u zyrtarizua këtë javë në projekt-buxhetin e Shtëpisë së Bardhë për vitin e ardhshëm, por zyrtarët thonë se zhvendosja e vëmendjes është shqyrtuar që pas sulmeve terroriste të vitit 2001. Buxheti parashikon një shumë prej 560 milion dollarësh. Në të përfshihen shumë shkurtime në programet për Evropën Qendrore dhe Lindore, që ishin në qendër të transmetimeve gjatë periudhës së Luftës së Ftohtë. Radio Evropa e Lirë dhe Radio Liria do të ndalin transmetimet në gjuhën bullgare, çeke, estoneze, letoneze, lituaneze, polake, hungareze, sllovene dhe sllovake. Transmetimet në gjuhë të tjera do të kufizohen. Takim i posacëm i NATO-s për Turqinë Bruksel, 6 shkurt 2003 - Ambasadorët e 19 vendeve të Natos, pritet të takohen sot në Bruksel për të shqyrtuar mundësinë për t'i dhënë Turqisë mbështetje logjistike në rast të një lufte të mundshme me Irakun. Shtetet e Bashkaura kërkuan javën e kaluar që Aleanca t'i japë mbështetje Turqisë me sisteme modernë radarësh "AWACS" dhe bateri raketash kundërajrore "Patriot". Turqia është i vetmi vend i Aleancës që e ka Irakun në kufi. Disa vende, përfshirë Gjermaninë dhe Francën, që e kundërshtojnë ndërhyrjen ushtarake kundër Irakut, e kanë shtyrë marrjen e vendimit për Turqinë. Reagime të Këshillit të Sigurimit pas fjalimit të Sekretarit amerikan të Shtetit Nju Jork, 6 shkurt 2003 - Pas informacionit që dha Sekretari i Shtetit disa anëtarë kryesorë të Këshillit të Sigurimit kishin mendime të ndryshme se ç'duhet bërë më tej për të zgjidhur krizën me Irakun. Ministri i Jashtëm kinez Tang Gjia Shuan tha se inspektorëve duhet t'u jepet më shumë kohë për t'i dhënë fund programit të armëve të Irakut. Zyrtari i lartë kinez tha se inspektorët nuk janë ende në gjendje të thonë përfundimisht në se Iraku po çarmatoset apo jo. Ministri i jashtëm rus Igor Ivanov bëri thirrje për një zgjidhje politike, duke thënë se Kombet e Bashkuara ofrojnë rrugën më të mirë për zgjidhjen e situatës. Ai tha se përmbajtja e raportit të zotit Pauell ështe "shumë serioze" dhe se Iraku duhet të japë shpjegime për të. Zoti Ivanov tha se raporti duhet t'i jepet menjëherë inspektorëve, puna e të cilëve tha ai, duhet të vazhdojë. Sekretarii jashtëm britanik Xhek Stro tha se Iraku nuk ka ndërmend të eliminojë armët e shkatërrimit në masë dhe ka vendosur të mos e shfrytëzojë këtë shans të fundit që iu dha për të arritur një zgjidhje paqësore. Ai tha se presidenti irakian Sadam Husein duhet të jetë i vetëdijshëm për pasojat që e presin. Bashkimi Evropian parlajmëron Irakun: Koha po mbaron! Bruksel, 6 shkurt 2003 - Bashkimi Evropian paralajmëroi Irakun se koha po mbaron dhe i tha Bagdadit se, po të mos çarmatoset nga armët e shkatërrimit në masë, do të ishte vetë përgjegjës për çdo pasojë. Në një deklaratë e bërë publike nga Greqia, e cila aktualisht mban kryesinë e radhës së Bashkimit Evropian, i bëhet thirrje Irakut të zbatojë menjëherë rezolutën 14-41 të Këshillit të Sigurimit të dhe të paraqesë hollësi për armët e tij bërthamore, kimike dhe biologjike. Deklarata thotë se rezoluta i ka dhënë Irakut një shans përfundimtar për t'u çarmatosur në rrugë paqësore. Deklarata thotë se kjo do të bëhej e mundur vetëm në rast se autoritetet e Irakut u paraqesin inspektorëve të Kombeve të Bashkuara të gjitha informacionet-shtesë dhe të plota lidhur me pikëpyetjet e ngritura nga bashkësia ndërkombëtare. Sekretari Pauell paraqiti në OKB një raport me materiale tepër sekrete mbi Irakun Kombet e Bashkuara, 6 shkurt 2003 - Duke përdorur audio-kaseta me përgjime bisedash dhe fotografi nga aeroplanët spiunë, Seketari i Shtetit Kolin Pauell paraqiti para Këshillit të Sigurimit të OKB-së, ato që ai i quajti, të dhëna "të pakundërshtueshme dhe të pamohueshme", që Iraku nuk po çarmatoset. Sekretari Pauell i shoqëruar nga drejtori i CIA-s, Xhorxh Tenet, e filloi raportin e tij me regjistrimin e zërit të një bisede midis zyrtarëve ushtarakë irakianë që po diskutonin se si t'i fshihnin armët nga insspektorët. Më pas ai paraqiti disa fotografi të marra nga lartësia, që siç shpjegoi ai, paraqisnin bunkerë armësh kimike që ishin pastruar para mbërritjes së inspektorëve. Pauell tha në takimin e posaçëm të 15 vendeve anëtare të Këshillit të Sigurimit, se Iraku ka krijuar atë që ai e quajti, "politikë fshehjeje dhe mashtrimi të hartuar në nivelet më të larta të qeverisë së Irakut". Iraku tha ai, po shfrytëzon shërbimet e tij të zbulimit, për të fshehur “aktivitetet e paligjshme” dhe zoti Powell theksoi se Iraku zotëron të paktën 100 tonë agjentë kimikë dhe është i vendosur të zotërojë armë bërthamore. Ai tha se zyrtarët irakianë kanë fshehur korrespondencën mbi industrializimin ushtarak, kanë dhënë urdhër për largimin e armëve të ndaluara nga disa objekte kyçe dhe kanë fshehur shkencëtarët e tyre. Ai tha se Kombet e Bashkuara rrezikojnë të bëhen një organizatë e pavlefshme në se nuk shqyrtojnë "pasojat serioze" për mosrespektimin nga Iraku të rezolutave të Këshillit të Sigurimit. Këshilli i NATO-s diskuton për Irakun Bruksel, 6 shkurt 2003 - Zyrtarët e NATO-s thanë se Aleanca ka thirrur një mbledhje speciale për sot që të diskutojë krizën rreth Irakut. Këshilli i NATO-s ishte mbledhur dje, por vendosi të shtyjë diskutimin për Irakun, derisa të dëgjonte paraqitjen e sekretarit amerikan të shtetit në Këshillinn e Sigurimit. Shtetet e Bashkuara kërkuan zyrtarisht nga NATO muajin e kaluar që të ofrojë mbështetjen e tij nëse fillon lufta në Irak. Por Aleanca ballafaqohet me mosmarrveshje, veçanërisht nga anëtarët e saj, Franca dhe Gjermania lidhur me atë nëse aksioni ushtarak kundër Irakut është i justifikuar. Dhjetë vende nga Evropa Lindore shpallën mbështetje të fortë për qëndrimin amerikan ndaj Irakut Uashington, 6 shkurt 2003 - Dhjetë vende nga Evropa Lindore shpallën mbështetje të fortë për qëndrimin amerikan ndaj Irakut, duke thënë se janë të gatshëm t'i kontribuojnë një koalicioni ndërkombëtar për çarmatosjen e Irakut nëse vazhdon të dështojë të bashkëpunojë me inspektorët e armatimit të Kombeve të Bashkuara.. Grupi i Vilnusit, që përfshin Shqipërinë, Bullgarinë, Kroacinë, Estoninë, Letoninë, Lituaninë, Maqedoninë, Rumaninë, Sllovakinë dhe Slloveninë shpallën deklaratën e përbashkët, pas paraqitjes së sekertarit amerikan të shtetit në Këshillin e Sigurimit.

	Copyright©2000-2003 Trepca.net - Të gjitha të drejtat e rezervuara.