Lajme

E shtune, 18 janar 2003

Përmbajtja:

• Në Teatrin Kombëtar në Prishtinë mbrëmë u mbajt një Akademi përkujtimore për Jusuf e Bardhosh Gërvallën dhe Kadri Zekën

• Me rastin e njëvjetorit të vrasjes së Smajl Hajdarajt në Pejë u mbajt akademi përkujtimore

• Shtajner në takimin me përfaqësuesit e institucioneve të Kosovës nuk mori vendim për rritjen e tatimit në paga

• "Këshilli kombëtar serb" në Mitrovicë ka filluar nismen për formimin e një bashkësie të komunave të banuara me serbë në Kosovë

• Kryetari i BSPK-së thotë se për momentin nuk do të ketë as rritje të tatimit as greva nga punëtorët

• Shtajner në takimin me përfaqësuesit e institucioneve të Kosovës nuk mori vendim për rritjen e tatimit në paga

• Në Teatrin Kombëtar në Prishtinë mbrëmë u mbajt një Akademi përkujtimore për Jusuf e Bardhosh Gërvallën dhe Kadri Zekën

• SHBA-të dhe Shqipëria nënshkruan një marrëveshje mirëkuptimi për energjinë

• Deri në fund të këtij viti ushtarët rusë do të tërhiqen nga misionet paqeruajtëse në Kosovë dhe Bosnje

• Ish-presidenti i Serbisë të hënën e ardhshme shkon në Tribunalin e Hagës që t'i përgjigjet akuzave për krime lufte në Kosovë

• N. Çoviq: Nëse shqiptarët vazhdojnë të flasin për pavarësinë e Kosovës, Beogradi do të të flasë për ndarjen e Kosovës!

• Vritet një kolon ebrait dhe dy militantë palestinezë

• Këshilli i Sigurimit bëri thirrje për zbatim të sanksioneve kundër "El Kaidës" dhe talibanëve

• Shreder u shpreh kundër spekulimeve të mëtejshme në lidhje me votën gjermane në KS për luftën në Irak

• Përqendrimi i trupave në Gjirin Persik vazhdon

• Shtëpia e Bardhë: Zbulimi i kapsulave në Irak, "shqetësues dhe serioz"

• Zakajev: Krimet e tmerrshme që janë bërë në Çeçeni nuk mund të kompenzohen

• Xhons ka deklaruar se do t'u ndohmojë Kombeve të Bashkuara për çarmatosjej e Irakut

Në Teatrin Kombëtar në Prishtinë mbrëmë u mbajt një Akademi përkujtimore për Jusuf e Bardhosh Gërvallën dhe Kadri Zekën

 

Prishtinë, 18 janar 2003 - Me rastin e 21-vjetorit të rënies së dëshmorëve Jusuf e Bardhosh Gërvalla e Kadri Zeka, më organizim të Kryesisë së Lidhjes Demokratike e Kosovës, mbrëmë në Teatrin Kombëtar në Prishtinë, u mbajt një Akademi përkujtimore. Në këtë akademi mori pjesë edhe Presidenti i Kosovës Ibrahim Rugova, kryetari i Kuvendit të Kosovës Nexhat Daci dhe zyrtarë të tjerë.

Duke folur në këtë akademi, Presidenti i Kosovës tha se "jemi sot këtu për t'i përkujtuar dhe nderuar Jusuf e Bardhosh Gërvallën e Kadri Zekën që u vranë para 21 vjetëve në Gjermani nga ata që i përzunë nga Kosova e tyre e dashur".

 

Në vazhdim Presidenti Rugova tha se këto ditë mbushet një vit që familja Gërvalla dhe Zeka i sollën eshtrat e tyre në Kosovë, në Dubovik dhe në Gjilan. Ky ishte një gjest i madh që trupat e tyre të prehen në tokën e dashur dhe të çmuar të Kosovës, të cilën ia kushtuan jetën e tyre të re.

"Që të tretë me veprën e tyre madhore punuan për lirinë, pavarësinë dhe demokracinë e Kosovës, që ne po e gëzojmë sot e që po e ndërtojmë për çdo ditë. Kjo është porosia e jetës dhe veprës së tyre që nuk ta harrojmë kurrë", tha z.Rugova.

Duke folur për personalitetet e tyre, Presisdenti tha se ata ishin figura më të dashura dhe më të çmuara nga populli i Kosovës. Gjatë viteve të '90, me shpalljen dhe ndërtimin e shtetit të Kosovës, rinia i përkujtonte që të tretë me manifestime të organizuar, siç ishte 'Flaka e janarit' e tjera.

Presidenti Rugova bëri të ditur se Zyra e tij po punon që Jusuf e Bardhosh Gërvalla dhe Kadri Zeka - këta tre burra të mëdhenj - që të dekorohen për veprën e tyre të madhe për Kosovën.

 

Gjithashtu Presidenti tha se do t'i propozojë Ministrisë së Kulturës që të themelojë çmimin me titull "Kitarja e artë e Jusuf Gërvallës", i cili do t'u jipej artistëve në fushën e muzikës. Me këtë rast zoti Rugova tha se Jusf Gëvalla ishte artist komplet në muzikë dhe në letërsi, si dhe publicist i shquar.

Ndërkaq për krijimtarinë letrare të Jusuf Gërvallës, foli Sabri Hamiti. "Jusufi mund të kujtohet vetëm si i ri, sepse ai i ri ka shkuar. Këto kujtime nuk mund t'i mundë tirania e kohës e as t'i kapë ndryshku i harresës. Në dukje e në veprim Jusufi ishte jo i zakonshëm, një botë e pasur shpirtërore, një butësi njerëzore, një spontanitet që vetëm atij i kishte hije", theksoi Sabri Hamiti.

 

Ai tha se në dukje e veprim Jusufi ishte jo i zakonshëm, një botë e pasur shpirtrore, një butësi njerëzore, një spontanitet që vetëm atij i kishte hije, e të gjitha këto bashkë të ndeshura me një veprim të rrezikshëm.

 

Ndërkaq për veprën letrare të Jusuf Gërvallës, Sabri Hamiti tha se "si te rrallë kush, tek ai vepra letrare është e ngjashme me jetën e tij, për të mos thënë e barabartë". Librat e tij të lirikave tregojnë një shtegtim të jetës së tij ashtu, si dhe fazat e emocionalitetit që kalojnë nëpër ëndrra, mall, fantazi.

Sabri Hamiti duke folur për punën atdhetare të Jusuf Gërvallës, tha se ai ka dëshmuar se më frytdhënës është veprimi konkret sesa afishimi agresiv. Jusufi ka dëshmuar që butësia arrin shumë më larg sesa rigjiciteti, sidomos në punë të bashkimit të shqiptarëve.

 

Në fund Hamiti përkujtoi fjalët e Jusufit para se të jepte shpirt: "Nëse ëshët shqiptar mos u zbuloftë kurrë", duke e quajtur këtë utopi të fortë poetike, politike e atdhetare të Jusuf Gërvallës.

Akademia përkujtimore përfundoi me interpretimin e një pike muzikore të komponuar nga Jusuf Gërvalla dhe recitimin e poezisë së tij nga studentë të Akademisë së Arteve.

 

 

Me rastin e njëvjetorit të vrasjes së Smajl Hajdarajt në Pejë u mbajt akademi përkujtimore

 

Pejë, 18 janar 2003 - Me rastin e njëvjetorit të vrasjes së Smajl Hajdarajt, deputet i Parlamentit të Kosovës dhe ish-komandant i UÇK-së, nga një dorë antishqiptare dje në Pejë u mbajtë një akademi përkujtimore. "Smajl Hajdaraj tërë jetën ia ka kushtuar lirisë dhe demokracisë së Kosovës. Me shpërthimin e luftës ai doli në ballë të Ushtrisë Çlirimtare të Kosovës për rajonin e Rugovës", është shprehur bashkëluftëtari Demë Dashi.   Ai ka theksuar se me vrasjen e Hajdarajt Kosova ka humbur një burrë të urtë, një trim, një intelektual, një politikan të shkelqyeshëm i cili me tërë qenien njerëzore u përkushtua për zgjidhjen e çështjes kombëtare.

 

Smajl Hajdaraj ishte deputet i Kuvendit komunal të Pejës dhe Parlamentit të Kosovës.

Ndërkaq, anëtari i Kryesisë së Lidhjes Demokratike të Kosovës Fatmir Rexhepi, duke folur për figurën e Smajl Hajdarajt ka theksuar se vota dhe besimi i popullit është e shenjtë.

 

Vota e tyre nuk guxon të vritet. Ai ka thënë se si duket dikush nuk dëshiron që kjo liri të gëzohet dhe përjetohet prej të gjithë neve që e gjakuam atë. Dikush si duket synon ta vë në monopol dhe tutelë të vetën edhe këtë liri.

Nimon Alimusaj, ndërkaq ka lexuar telegramin e presidentit të Kosovës dr. Ibrahim Rugova, drejtuar pjesëmarrësve të kësaj akademie përkujtimore.

 

Në këtë telegram, presidenti i Kosovës Ibrahim Rugova thekson se Smajl Hajdaraj ishte trim dhe luftëtar i lirisë dhe se vepra e tij për lirinë, pavarësinë dhe demokracinë e Kosovës do të mbetet e përjetshme dhe shembull se si punojnë burrat e mëdhenj.

Smajl Hajdaraj është vrarë në Pejë një vit më parë në rrethana akoma të pandriçuara.

 

 

Shtajner në takimin me përfaqësuesit e institucioneve të Kosovës nuk mori vendim për rritjen e tatimit në paga

 

Prishtinë, 18 janar 2003 - Në një takim të thirrur nga kryeadministratori Mihael Shtajner me Këshillin Ekonomik Fiskal dhe ku merrnin pjesë edhe kryeministri i Kosovës Bajram Rexhepi, ministri i Ekonomisë dhe Financave Ali Sadrija, ministri i Punës dhe Mirëqenies Sociale Ahmet Jusufi dhe kryetari i Komisionit Parlamentar për Buxhet Haki Shatri, është debatuar lidhur me rritjen e tatimit në paga.

 

Në këtë takim nuk është marrë asnjë vendim.

Shtajner pas takimit reagimet për rritjen qind për qind të tatimit në paga i quajti "të pakuptimta", sepse, sipas tij, këtë e kanë kërkuar vetë institucionet vendore të Kosovës.

"Unë i kuptoj e shqetësimin e qytetarëve dhe kuptoj se ne duhet reflektojmë realitetin në Kosovë.

Shumë njerëz jetojnë në kushte të rënda ekonomike, por nuk e kuptoj se institucionet vendore çojnë pluhur rreth kësaj çështjeje", tha Shtajner, duke shtuar se ai nuk e ka nënshkruar rregulloren për dyfishimin e tatimit në pagë ngase ajo është nënshkruar para ardhjes së tij në Kosovë.

 

Madje ai tregoi para gazetarëve dokumentin për dyfishimin në paga të paraqitur nga Qeveria e Kosovës dhe Këshilli Ekonomik Fiskal në Konferencë e Donatorëve në Bruksel në vitin e shkuar, dokument ky që i është paraqitur edhe Bankës Botërore dhe Fondit Monetar Ndërkombëtar.

Shtajner tha se i ka propozuar Qeverisë së Kosovës që në një mbledhje të jashtëzakonshme të dalë me një propozim për caktimin e shkallës reale të tatimit mbi pagat. Gjithashtu ai porositi qytetarët e Kosovës se nuk do të zhgënjehen nga vendimi mbi tatimet në të ardhura.

 

 

"Këshilli kombëtar serb" në Mitrovicë ka filluar nismen për formimin e një bashkësie të komunave të banuara me serbë në Kosovë

 

Mitrovicë, 18 janar 2003 - Këshilli kombëtar serb në Mitrovicë ka filluar nismen për formimin e një bashkësie të komunave të banuara me serbë në Kosovë, siç thuhet në komunikatën e shpallur nga ky këshill.

 

Kuvendet komunale të Zveçanit, Leposaviqit, Zubin Potokut dhe Mitrovicës Veriore kanë ftuar udhëheqësit serbë të komunave tjera në Kosovën qendrore dhe lindore që t'i bashkohen kësaj nisme për të siguruar, siç thuhet mbijetesën e serbëve në Kosovë.

 

 

Kryetari i BSPK-së thotë se për momentin nuk do të ketë as rritje të tatimit as greva nga punëtorët

 

Prishtinë, 18 janar 2003 - Nuk do të ketë greva të punëtorëve për shkak të dyfishimit të tatimit mbi pagat derisa të përfundojnë bisedimet mes UNMIK-ut dhe Qeverisë së Kosovës për këtë çështje. Kështu është thënë pas takimit të mbrëmshëm mes kryeadministratorit Mihael Shtajner me kryetarin e Bashkimit të Sindikatave të Pavarura Bahri Shabani.

"Për momentin nuk do të ketë as rritje të tatimit mbi paga dhe as greva nga punëtorët kosovarë", ka deklaruar Shabani pas takimit me z. Shtajner. Sipas z. Shabani tashmë po vazhdojnë bisedimet për ta gjetur një zgjidhje.

 

 

Shtajner në takimin me përfaqësuesit e institucioneve të Kosovës nuk mori vendim për rritjen e tatimit në paga

 

Prishtinë, 18 janar 2003 - Në një takim të thirrur nga kryeadministratori Mihael Shtajner me Këshillin Ekonomik Fiskal dhe ku merrnin pjesë edhe kryeministri i Kosovës Bajram Rexhepi, ministri i Ekonomisë dhe Financave Ali Sadrija, ministri i Punës dhe Mirëqenies Sociale Ahmet Jusufi dhe kryetari i Komisionit Parlamentar për Buxhet Haki Shatri, është debatuar lidhur me rritjen e tatimit në paga. Në këtë takim nuk është marrë asnjë vendim.

Shtajner pas takimit reagimet për rritjen qind për qind të tatimit në paga i quajti "të pakuptimta", sepse, sipas tij, këtë e kanë kërkuar vetë institucionet vendore të Kosovës.

"Unë i kuptoj e shqetësimin e qytetarëve dhe kuptoj se ne duhet reflektojmë realitetin në Kosovë. Shumë njerëz jetojnë në kushte të rënda ekonomike, por nuk e kuptoj se institucionet vendore çojnë pluhur rreth kësaj çështjeje", tha Shtajner, duke shtuar se ai nuk e ka nënshkruar rregulloren për dyfishimin e tatimit në pagë ngase ajo është nënshkruar para ardhjes së tij në Kosovë.

 

Madje ai tregoi para gazetarëve dokumentin për dyfishimin në paga të paraqitur nga Qeveria e Kosovës dhe Këshilli Ekonomik Fiskal në Konferencë e Donatorëve në Bruksel në vitin e shkuar, dokument ky që i është paraqitur edhe Bankës Botërore dhe Fondit Monetar Ndërkombëtar.

Shtajner tha se i ka propozuar Qeverisë së Kosovës që në një mbledhje të jashtëzakonshme të dalë me një propozim për caktimin e shkallës reale të tatimit mbi pagat. Gjithashtu ai porositi qytetarët e Kosovës se nuk do të zhgënjehen nga vendimi mbi tatimet në të ardhura.

 

 

Në Teatrin Kombëtar në Prishtinë mbrëmë u mbajt një Akademi përkujtimore për Jusuf e Bardhosh Gërvallën dhe Kadri Zekën

 

Prishtinë, 18 janar 2003 - Me rastin e 21-vjetorit të rënies së dëshmorëve Jusuf e Bardhosh Gërvalla e Kadri Zeka, më organizim të Kryesisë së Lidhjes Demokratike e Kosovës, mbrëmë në Teatrin Kombëtar në Prishtinë, u mbajt një Akademi përkujtimore.

 

Në këtë akademi mori pjesë edhe Presidenti i Kosovës Ibrahim Rugova, kryetari i Kuvendit të Kosovës Nexhat Daci dhe zyrtarë të tjerë.

Duke folur në këtë akademi, Presidenti i Kosovës tha se "jemi sot këtu për t'i përkujtuar dhe nderuar Jusuf e Bardhosh Gërvallën e Kadri Zekën që u vranë para 21 vjetëve në Gjermani nga ata që i përzunë nga Kosova e tyre e dashur".

 

Në vazhdim Presidenti Rugova tha se këto ditë mbushet një vit që familja Gërvalla dhe Zeka i sollën eshtrat e tyre në Kosovë, në Dubovik dhe në Gjilan. Ky ishte një gjest i madh që trupat e tyre të prehen në tokën e dashur dhe të çmuar të Kosovës, të cilën ia kushtuan jetën e tyre të re.

"Që të tretë me veprën e tyre madhore punuan për lirinë, pavarësinë dhe demokracinë e Kosovës, që ne po e gëzojmë sot e që po e ndërtojmë për çdo ditë. Kjo është porosia e jetës dhe veprës së tyre që nuk ta harrojmë kurrë", tha z.Rugova.

Duke folur për personalitetet e tyre, Presisdenti tha se ata ishin figura më të dashura dhe më të çmuara nga populli i Kosovës. Gjatë viteve të '90, me shpalljen dhe ndërtimin e shtetit të Kosovës, rinia i përkujtonte që të tretë me manifestime të organizuar, siç ishte 'Flaka e janarit' e tjera.

Presidenti Rugova bëri të ditur se Zyra e tij po punon që Jusuf e Bardhosh Gërvalla dhe Kadri Zeka - këta tre burra të mëdhenj - që të dekorohen për veprën e tyre të madhe për Kosovën. Gjithashtu Presidenti tha se do t'i propozojë Ministrisë së Kulturës që të themelojë çmimin me titull "Kitarja e artë e Jusuf Gërvallës", i cili do t'u jipej artistëve në fushën e muzikës. Me këtë rast zoti Rugova tha se Jusf Gëvalla ishte artist komplet në muzikë dhe në letërsi, si dhe publicist i shquar.

Ndërkaq për krijimtarinë letrare të Jusuf Gërvallës, foli Sabri Hamiti. "Jusufi mund të kujtohet vetëm si i ri, sepse ai i ri ka shkuar. Këto kujtime nuk mund t'i mundë tirania e kohës e as t'i kapë ndryshku i harresës. Në dukje e në veprim Jusufi ishte jo i zakonshëm, një botë e pasur shpirtërore, një butësi njerëzore, një spontanitet që vetëm atij i kishte hije", theksoi Sabri Hamiti.

 

Ai tha se në dukje e veprim Jusufi ishte jo i zakonshëm, një botë e pasur shpirtrore, një butësi njerëzore, një spontanitet që vetëm atij i kishte hije, e të gjitha këto bashkë të ndeshura me një veprim të rrezikshëm.

 

Ndërkaq për veprën letrare të Jusuf Gërvallës, Sabri Hamiti tha se "si te rrallë kush, tek ai vepra letrare është e ngjashme me jetën e tij, për të mos thënë e barabartë". Librat e tij të lirikave tregojnë një shtegtim të jetës së tij ashtu, si dhe fazat e emocionalitetit që kalojnë nëpër ëndrra, mall, fantazi.

Sabri Hamiti duke folur për punën atdhetare të Jusuf Gërvallës, tha se ai ka dëshmuar se më frytdhënës është veprimi konkret sesa afishimi agresiv. Jusufi ka dëshmuar që butësia arrin shumë më larg sesa rigjiciteti, sidomos në punë të bashkimit të shqiptarëve.

 

Në fund Hamiti përkujtoi fjalët e Jusufit para se të jepte shpirt: "Nëse ëshët shqiptar mos u zbuloftë kurrë", duke e quajtur këtë utopi të fortë poetike, politike e atdhetare të Jusuf Gërvallës.

Akademia përkujtimore përfundoi me interpretimin e një pike muzikore të komponuar nga Jusuf Gërvalla dhe recitimin e poezisë së tij nga studentë të Akademisë së Arteve.

 

 

SHBA-të dhe Shqipëria nënshkruan një marrëveshje mirëkuptimi për energjinë

 

Uashington, 18 janar 2003 - Enti Rregullator i Sektorit të Energjisë Elektrike të Shqipërisë dhe Komisioni Regullator i Shërbimeve Komunale të shtetit amerikan Indiana nënshkruan të premten në Uashington një marrëveshje mirëkuptimi, e cila ka për qëllim krijimin e një partneriteti për ta ndihmuar Shqipërinë në ristrukturimin dhe reformimin e sektorit të saj energjetik.

 

Marrëveshja përfshin projekte që do ta ndihmojnë Shqipërinë të kapëcejë problemet e energjetikës nëpërmjet liberalizimit të tregjeve dhe futjes në vend të investitorëve.

 

Marrëveshja, e cila financohet nga Agjencia Amerikane për Zhvillimin Ndërkombëtar, Usajdi, dhe zbatohet nga Komisioni kombëtar amerikan për shërbimet komunale do të ndihmojë në krijimin e marrëdhënieve midis Komisionit të shtetit Indiana dhe palës shqiptare, marrëdhënie këto që filluan vitin e kaluar kur një delegacion amerikan shkoi në Tiranë.

Shirak dhe Bler i premtuan kryeinspektorit të OKB-së për armët mbështetjen e tyre.

Paris, 18 janar 2003 - Presidenti francez, Zhak Shirak dhe kryeministri britanik, Toni Bler i premtuan kryeinspektorit të OKB-së për armët Hans Bliks mbështetjen e tyre të plotë për kontrolle më të rrepta në Irak, ndërsa Bliks po viziton disa qendra në Evropë.

 

Me Francën u shtua një anëtar i Këshillit të Sigurimit që mbështet kërkesën për më shumë kohë në kërkimin e armëve të shfarosjes në masë. Qeveria gjermane ritheksoi refuzimin e saj ndaj një lufte në Irak.

 

Edhe Ministri i Jashtëm gjerman Joshka Fisher do të kërkojë të hënën në Këshillin e Sigurimit më shumë kohë për inspektime. SHBA -të paralajmëruan për deri në fund të muajit publikimin e provave që Iraku nuk bashkëpunon dhe shkel rezolutën 1441 të OKB-së.

 

 

Deri në fund të këtij viti ushtarët rusë do të tërhiqen nga misionet paqeruajtëse në Kosovë dhe Bosnje

 

Moskë, 18 janar 2003 - Deri në fund të këtij viti ushtarët rusë do të tërhiqen nga misionet paqeruajtëse në Kosovë dhe Bosnje. Rusia vlerëson se situata në këto dy vende është përmirësuar dhe se atë mund ta kontrollojnë pjesëtarët e policisë ndërkombëtare.

 

Gazeta moskovite "Novija Izvjestia" shkruan se komanda e këmbësorisë ka marrë urdhërin të ndërpresë punën në qendrën përgatitore për paqeruajtësit. Në kuadër të misioneve paqeruajtëse në Kosovë dhe në Bosnje e Hercegovinë Rusia i ka të angazhuar 900 ushtarë.

 

 

Ish-presidenti i Serbisë të hënën e ardhshme shkon në Tribunalin e Hagës që t'i përgjigjet akuzave për krime lufte në Kosovë

 

Beograd, 18 janar 2003 - Ish-presidenti i Serbisë Millan Millutinoviq të hënën e ardhshme shkon në Tribunalin e Hagës që t'i përgjigjet akuzave për krime lufte të bëra ndaj shqiptarëve gjatë konfliktit në Kosovë, i ka deklaruar agjencisë Rojter një zyrtar i lartë në Beograd i cili ka dashur të mos i përmendet emri.

 

 

N. Çoviq: Nëse shqiptarët vazhdojnë të flasin për pavarësinë e Kosovës, Beogradi do të të flasë për ndarjen e Kosovës!

 

Beograd, 18 janar 2003 - Zëvendëskryeministri i Serbisë Nebojsha Çoviq thotë se po të vazhdojnë shqiptarët të flasin për pavarësinë e Kosovës, Beogradi do të insistojë të flasë për ndarjen e Kosovës. "Do të jemi për ndarjen e Kosovës nëse ata do të insistojnë për pavarësinë e Kosovës", ka thënë Çoviq pas bisedimeve në Beograd me kryeministrin e Maqedonisë Branko Cërvenkovski.

 

 

Vritet një kolon ebrait dhe dy militantë palestinezë

 

Jerusalem, 18 janar 2003 – Vala e dhunës në territoret e okupuara ka marrë jetën e një koloni ebrait dhe të dy militantëve palestinezë, në një kohë që grupimet palestineze po përgatiten të mblidhen në Kairo për të diskutuar të ardhmen e kryengritjes së tyre 28-muajshe, njofton AFP. Siç dihet, grupi i vijës së fort, Hamas, ka hedhur poshtë propozimet për pezullimin e sulmeve para fillimit të bisedimeve.

 

Këshilli i Sigurimit bëri thirrje për zbatim të sanksioneve kundër "El Kaidës" dhe talibanëve

 

Nju Jork, 18 janar 2003 - Këshilli i Sigurimit i Kombeve të Bashkuara bëri thirrje njëzëri për zbatim më të efektshëm të sanksioneve kundër rrjetit terrorist "El Kaida" si dhe milicisë afgane Taliban.

 

Masat ndëshkuese përfshijnë ndalime-udhëtimi, një embargo armësh si dhe ngrirjen e pasurive të personave të veçantë ose të grupeve. Së fundi lista, e cila aktualizohet vazhdimisht nga një komitet i Këshillit të Sigurimit, përfshinte 232 persona dhe 92 grupe. Në rezolutën e miratuar tani u bëhet thirrje të 191 anëtarëve të OKB-së që të ashpërsojnë ligjet e tyre kundër terrorit.

 

 

Shreder u shpreh kundër spekulimeve të mëtejshme në lidhje me votën gjermane në KS për luftën në Irak

 

Berlin, 18 janar 2003 - Kancelari gjerman Gerhard Shrëder u shpreh kundër spekullimeve të mëtejshme në lidhje me votën e Gjermanisë në Këshillin e Sigurimit për luftën në Irak. Vendimi mund të merret vetëm atëherë kur të jetë e qartë nëse dhe përse do të votohet, ritheksoi Shrëder në stacionin televiziv N24.

 

Gjermania do të orientohet nga pozicioni për çarmatosje paqësore dhe kundër pjesëmarrjes në goditjen ushtarake. Për kancelarin është "i dëshiruar" dëbimi i kreut irakian Sadam Husein në mërgim. Por në radhë të parë fjala nuk është për ndërrim regjimi por për çarmatosje, tha Shreder.

 

 

Përqendrimi i trupave në Gjirin Persik vazhdon

 

San Diego, 18 janar 2003 - Përqendrimi i trupave në Gjirin Persik vazhdon. Një trupë tjetër amerikane e përbërë nga anije lufte me rreth 10.000 ushtarë u nis nga San Diego-ja e Kalifornisë drejt Lindjes në Afërme. Njësia tjetër do të niset fundjavën tjetër me rrugë detare nga Virxhinia në bregdetin lindor amerikan.

 

 

Shtëpia e Bardhë: Zbulimi i kapsulave në Irak, "shqetësues dhe serioz"

 

Uashington, 18 janar 2003 - Shtëpia e Bardhë e quajti zbulimin e kapsulave të zbrazëta për armë kimike në Irak "shqetësues dhe serioz". Zëdhënësi i Shtëpisë së Bardhë, Ari Fleisçer thotë se zyrtarët amerikanë e kanë rishikuar deklaratën prej 12 mijë faqesh të Irakut për armët dhe thonë se aty nuk përmenden kapsulat e zbrazëta kimike të zbuluara dje nga inspektorët e OKB-së.

"Fakti që Iraku ka në dorë kapsula kimike të padeklaruara për të cilat Kombet e Bashkuara thonë që janë në gjendje shumë të mirë, është në vetëvete një çështje serioze dhe shqetësuese", tha zoti Fleçer.

 

 

Zakajev: Krimet e tmerrshme që janë bërë në Çeçeni nuk mund të kompenzohen

 

Londër, 18 janar 2003 - Ahmed Zakajev, bashkëpunëtor i lartë i liderit separatist çeçen, Asllan Maskadov thotë se "krimet e tmerrshme" që janë bërë në Çeçeni nuk mund të kompenzohen me para, por me gjykimin e aatyre që kanë bërë krime lufte" para një Tribunali ndërkombëtar.

 

"Gjykata në Strasbur nuk ka autoritetin që t'i sjellë në sallën e gjykimit ata që kanë bërë këto krime të tmerrshme. Ajo që po ndodh në Çeçeni nuk është për kompenzime financiare, sepse kryesisht janë vrasje, dhunë dhe poshtërim, që është e pamundur të kompenzohet me para", ka thënë Zakajev.

Ai i ka bërë këto komente nga Londra me rastin e vendimit të Gjykatës Evropiane për të drejtat e njeriut që të pranojë gjashtë fletëpadi nga çeçenë që akuzojnë armatën ruse për vrasje dhe abuzime me të drejatat e njeriut.

 

 

Xhons ka deklaruar se do t'u ndohmojë Kombeve të Bashkuara për çarmatosjej e Irakut

 

Kasto, 18 janar 2003 - Komandanti i ri suprem i forcave të NATO-s për Evropë, gjenerali amerikan Xhejms Xhons ka deklaruar se do t'u ndohmojë Kombeve të Bashkuara për çarmatosjej e Irakut. Gjenerali Xhons tha se ndonëse mbetet e paqartë nëse do të ketë konflikt kundër Irakut, ai ka shfaqur bindjen se çfarëdo që do të duhet bërë NATO dhe forcat e Shteteve të Bashkuara- do të bëhet me sukses.

 

Copyright©2000-2003 Trepca.net - Të gjitha të  drejtat e rezervuara.