E hëne, 20 janar 2003


	20.01.2003 - Trepca.net
	Lajme
	E hëne, 20 janar 2003


	Përmbajtja: Zyra e Presidentit të Kosovës thotë se nuk ka nevojë për një takim të tillë Rasti i Lulzim Gashit nuk ka të bëjë me çështjen e të zhdukurve Serbët në veri të Mitrovicës kanë formuar të ashtuquajturën "Bashkësi të komunave serbe të Kosovës" Gjilan: Komuna ndihmon 147 familje skamnore "Flaka e janar 2003it" - një metafaorë që simbolizon fuqinë e zjarreve të Kosovës kundër acareve më të egra Pajisjet e "Rilindjes" largohen nga lokalet në Pallatin e Rilindjes Në Lladofc të Podujevës u përurua objekti i ri i shkollës fillore Përfaqësuesit serbë kanë paralajmëruar ndarjen e pjesës veriore të Kosovës Drejtoria për Shëndetësi e KK të Gjakovës ka marrë pësipër përkujdesjen për 43 familje Misioni i UNMIK-ut në Kosovë ka vendosur me kalimin e disa përgjegjësive nga ky mision në institucionet vendore Uiliam Nesh: Bashkësia ndërkombëtare e lejoi ekzistimin e sistemit paralel në veri të Mitrovicës PVD: Ku tretën 40 mijë shqiptarë të luginës së Preshevës? Në Kanada është arrestuar një serb që ka kryer krime në Kosovë Berisha akuzon qeverinë për dështim ekonomik Intelektualët shqiptarë angazhohen për pranimin e shkencëtarve shqiptarë në Akademinë e Shkencave dhe Arteve në Maqedoni Trajkovski kërkon që trupat e BE-së të marrin misionin e NATO-s në Maqedoni Koshtunica thotë se nuk ka ardhur koha e duhur për zgjidhjen e statusit final të Kosovës Për postin e nënkryetarit të Parlamentit maqedonas është kandiduar Agron Buxhaku Tribunali i Hagës ka mirëpritur lajmin për dorëzimin e Millutinoviqit në Gjykatën e Hagës Ish-kancelari Kol paralajmëron rrezikun e forcimit të antiamerikanizmit në Gjermani Në një sallon masazhi në Kejptaun të Afrikës së Jugut janë vrarë shtatë persona Izraeli i gatshëm të njohë një shtet palestinez të demilitarizuar Siria kërkon një takim mes vendeve fqinjë të Irakut Ushtria gjermane do të bëjë roje në kazermat amerikane në Gjermani Operacion antiterrorist në Londër- arrestohen 6 persona Zyrtarë të lartë amerikanë paralajmërojnë Irakun se po i mbaron afati Portieri i përfaqësueses së Hondurasit është vrarë nga sulmues të panjohur Gjashtë persona kanë humbur jetën në një aksident trafiku afër Sofjes Gjashtë imigrantë ilegalë janë gjetur të vdekur në një barkë të vogël në bregdetin jugor të Italisë Ramsfeld thotë që Sadamit t'i jepet imunitet nga akuzat pwr krime lufte nëse largohet nga pushteti
	Zyra e Presidentit të Kosovës thotë se nuk ka nevojë për një takim të tillë Prishtinë, 20 janar 2003 - Në lidhje me një takim të liderëve politikë që e ka thirrur Kryeministri i Kosovës për sot, Zyra e Presidentit të Kosovës ka dhënë një njoftim në të cilin thuhet. "Ne konisderojmë se nuk ka nevojë për takime të tilla. Kosova i ka institucionet e veta, ekzekutiv dhe legjislativ që funksionojnë në bazë kushtetuese, në bazë të zjedhjeve demokratike. Kontaktet e partive politike në mes vete apo me ndonjë instituciomn të zgjedhur janë çështje e interesit dhe e nevojës në kohën e caktuar", thuhet këtë njoftim të Presidencës së Kosovës. Rasti i Lulzim Gashit nuk ka të bëjë me çështjen e të zhdukurve Prishtinë, 20 janar 2003 - Administrata e UNMIK-ut është duke bërë ientifikimin e kufomave të gjetura nëpër varrezat masive në Serbi dhe në Kosovë. Kjo është rruga më e mirë për ndriçimin e fatit të të zhukdurve të luftës. Zëdhënësja e UNMIK-ut Eleonor Brizleit deklaroi se nuk ka mundësi reale që në Serbi apo në Kosovë të ketë kampe në të cilat mbahen personat e zhdukur gjatë luftës. Lidhur me kthimin e djaloshit Lulzim Gashi nga Vranja, përfaqësuesi i KMDLNJ Behxhet Shala tha se ky rast nuk ka të bëjë me çështjen e të zhdukurve. Lulzim Gashi është marrë nga jetimorja e Mitrovicës dhe është dërguar në Serbi në një ent për përkujdesjen e fëmijëve pa prindër. Ai mohoi kategorikisht se rasti i Lulzim Gashit ka të bëjë me personat e zhdukur. Edhe zëdhënsja e UNMIK-ut konfirmoi pohimin e KMDLNJ-së për Lulzim Gashin. Ky rast ditëve të fundit ka qenë temë aktuale në shumë media të Kosovës, për kinse zbulimin e një rasti të personave të rrëmbyer në vitin 1999 në Kosovë dhe të dërguar në Serbi dhe të gjetur në një kamp të Vranjës. Serbët në veri të Mitrovicës kanë formuar të ashtuquajturën "Bashkësi të komunave serbe të Kosovës" Mitrovicë, 20 janar 2003 - Sot në pjesën veriore të Mitrovicës është formuar e ashtuquajtura "Bashkësi e komunave serbe të Kosovës". Në një mbledhje konstituive këtë vendim e kanë marrë këshilltarët e Zveçanit, Zubinpotokut, Leposaviqit dhe anëtarët e këshillit nga Mitrovica, njoftojnë mediat serbe. Gjithashtu thuhet se është miratuar edhe statuti i bashkësisë, ndërkohë që deri në zgjedhjet e organeve detyrën e kryetarit do ta kryejë këshilltari më i vjetër nga Leposaviqi Selimir Kaliçanin. Kaliçanin citotet të ketë thënë se ideja për formimin e kësaj bashkësie është e vjetër pothuajse 10 vjet. "Me formimin e bashkësisë nuk e vejmë gishtin në sytë e bashkësisë ndërkombëtare, por u ofrojmë rastin të gjitha mjediseve në Kosovë që të bashkohen", ka thënë Marko Jakshiq, deputet i Kuvendit të Serbisë. Sipas tij, serbët kanë për qëllim të krijojnë një entitet serb, jo vetëm në veri të Kosovës, por gjithkund ku serbët jetojnë. Jakshiq ka thënë që edhe shqiptarët të krijojnë entitetin e tyre, duke shtuar se nuk kanë të drejtë të tjetërsojnë Kosovën, ka thënë ai. Gjilan: Komuna ndihmon 147 familje skamnore Gjilan, 20 janar 2003 - Kuvendi Komunal i Gjilanit është përkujdesur edhe sivjet që t`ua lehtësojë dimrin familjeve me gjendje të rëndë dhe për këtë qëllim ka përgatitur një program të asistencës sociale, në shumë prej 15 mijë euro, nga i cili, 147 familje do të përfitojnë nga tre metra dru për ngrohje. Hazir Mustafa, drejtor i Drejtorisë për siguri dhe emergjencë, thotë se që prej tri ditësh kanë filluar me shpërndarjen e druve dhe shpresojnë që deri nesër, të gjitha këto familje, të kenë ngrohje nëpër shtëpitë e veta. Nuk janë lënë anash as komunitetet, të cilat jetojnë në qytetin e Gjilanit, thotë drejtori Mustafa, i cili sqaron se edhe shpërndarja e druve nëpër shtëpi të përfituesve po bëhet nga punëtorët e komunës. "Flaka e janar 2003it" - një metafaorë që simbolizon fuqinë e zjarreve të Kosovës kundër acareve më të egra Gjilan, 20 janar 2003 - Për të trembëdhjetën herë më radhë, në Gjilan ka filluar "Flaka e Janarit 2003", një manifestim ky multikulturor kushtuar martirëve të kombit. Kryetari i komunës, Lutfi Haziri, i cili e ka shpallur të hapur manifestimin, në fjalën e rastit tha se asnjë popull tjetër në botë, nuk ka bërë më shumë sakrifica se shqiptarët për të realizuar të drejtën themelore të jetës dhe lirinë në tokën e vet. Ky manifestim, jorastësisht u pagëzua me emrin "Flaka e Janarit", një metaforë kjo që simbolizon zjarrin e pashuar të të gjithë janarëve shqiptarë gjatë historisë tepër të gjatë deri te janari i vitit 2000. Duke i rikthyer në skenë, përmes artit kulmor, figurat më të ndritshme të epokës shqiptare, për të trembëdhjetën herë me radhë po përpiqemi ta mbajmë ndezur këtë flakadan lirie që shkriu edhe acaret e dimrave të egër në Kosovë dhe në trojet tjera etnike, tha Lutfi Haziri. Nënkoloneli Bajram Kryeziu, zëdhënës i Zonës VI TMK-së, tha se TMK është një strukturë shumë e rëndësishme për të ardhmen e Kosovës, poaq sa ishte e rëndësishme dje, prarendësja e saj, UCK-ja, në luftën për liri. Nata e parë e "Flakës." ka vazhduar me programin e muzikës serioze. Manifestimi shumëkulturor "Flaka e Janarit 2003" vazhdon sot me Festivalin e Dramës Kombëtare, realizime skenike të teatrove të Tiranës, Shkupit, Prishtinës, Gjakovës e Gjilanit. Natën e parë prezentohen gjilanasit me dramën "Bunari afër shtëpisë". Pajisjet e "Rilindjes" largohen nga lokalet në Pallatin e Rilindjes Prishtinë, 29 janar 2003 - Ka filluar sot largimi i inventarit, stabilimenteve e mjeteve të punës të gazetës "Rilindja" e të Radio Rilindjes na katet 3, 4 e 5 të Pallatit të Rilindjes dhe ato po mbyllen në një bunker të Pallatit. "Rilindja" në 58-vjetorin e saj largohet nga Pallati i Rilindjes, që e ka ndërtuar me vendim të Kuvendit të Kosovës, e ku ka qëndruar qe gati tri dekada. Para gati një viti, më 21 shkurt 2002, "Rilindja" dhe Radio Rilindja ndërprenë detyrimisht punën për shkak se Pallati i Rilindjes u mor për t'u shndërruar në ndërtesë qeveritare. Zgjidhja alternative për lokale pune, e premtuar nga autoritetet, nuk u bë ende. Nërprerja e punës së "Rilindjes" dha Radio Rilindjes ka pasojë edhe humbje e dëme të mëdha materiale, ndër të tjera edhe mbetjen e gazetarëve e punonjësve të saj qe më se një vit pa punë e pa rroga. Mjë goditje tjetër e rëndë ishte demolimi dhe plaçktitja e lokaleve të "Rilindjes", që ndodhi në Pallatin e Rilindjes të administuruar nga autoritetet e të ruajtur nga policia, në kohën kur punonjësit e "Rilindjes" nuk kishin asnjë qasje në Pallat. "Rilindja" planifikonte, që edhe në këto kushte, të rifilloi me botimin e gazetës më 12 shkurt 2003, në ditëlindjen e 58-të të "Rilindjes", por kjo tash duket shumë e veshtirë pas demolimit e plaçkitjes së ndodhur dhe mbylljes në bunker në vend të sigurimit të lokaleve alternative të punës, thuhet në një njoftim të Këshilli Drejtues të "Rilindjes". Në Lladofc të Podujevës u përurua objekti i ri i shkollës fillore Podujevë, 20 janar 2003 (QIK) – Arsimi e ka mbajtur gjallë për më shumë se një dekadë jetën në Kosovën e pavarur, arsimtarët kanë punuar e po punojnë në kushte të rënda dhe ne e bashkëndiejmë jetën dhe krizën, por këtë ua adresojmë fëmijëve tanë dhe lirisë së Kosovës, tha drejtori i drejtorisë për arsim Shpejtim Bulliqi në përurimin e objektit të ri shkollor në Lladofc të Podujevës. Në këtë manifetim pos nxënësve, arsimtarëve dhe qytetarëve të kësaj ane, morën pjesë edhe drejtori i përgjithshëm i grupit të Bankës Botërore z. Shengman Zhang dhe koordinatori i saj për Evropën Juglindore Kristian Portman. Drejtori i shkollës Qazim Toçani theksoi ndihmën e madhe të CDF-it nga i cili fond u ndërtua shkolla e re me 4 mësonjëtore standarde dhe inventar përkatës, 1 sallë të arsimtarëve, 1 bibliotekë, lokalet për punëtorët teknikë si dhe nyjen sanitare standarde. I tërë objekti shkollor ka 462 m, për të cilin CDF-ja shpenzoi 107 mijë euro, ndonëse me participimin nga buxheti komunal iu shtuan kësaj shume 25 mijë euro. Përurimin solemn të objektit të ri të shkollës “Ali Ajeti” e bëri drejtori i Bankës botërore z. Shengman Zhang. Përfaqësuesit serbë kanë paralajmëruar ndarjen e pjesës veriore të Kosovës Mitrovicë, 20 janar 2003 - Përfaqësuesit e komunitetit serb në Kosovë kanë paralajmëruar ndarjen e pjesës veriore të Kosovës. Kjo iniciativë është ndërmarrë, siç kanë thënë ata, si kundërpërgjigje ndaj shqiptarëve për pavarësinë e Kosovës. Autoritetet vendore kanë kundërshtuar këtë iniciativë të fundit të serbëve për faktin se kjo është në kundërshtim me vullentin shqiptarëve. Gjithashtu "Këshilli nacional serb" para tri ditëve paralajmëroi bashkimin administrativ të komunave veriore të Kosovës dhe ndarjen e tyre nga Kosova. Kryeadministratori Mihael Shtajner është shprehur i rezervuar për këtë çështje. Nëse diçka do të ndodhë në këtë drejtim do të dëgjohet zëri i tij, ka thënë Shtajner, duke mos pranuar ta komentojë më shumë këtë çështje. Kryetari i Asamblesë komunale në Mitrovicë Faruk Spahija paralajmërimet e përfaqësuesve serbë për ndarjen e Kosovës i ka vlerësuar si shumë të rrezikshme. Ndarja e këtij qyteti dhe e veriut të Kosovës është në kundërshtim me vullnetin e shumicës së qytetarëve të këtushëm dhe një gjë e tillë sipas rrezikon të prodhojë konflikte të reja, ka thënë Spahija. Drejtoria për Shëndetësi e KK të Gjakovës ka marrë pësipër përkujdesjen për 43 familje Gjakovë, 20 janar 2003 - Drejtoria për Shëndetësi e Kuvendit Komunal të Gjakovës ka marrë pësipër përkujdesjen për 43 familje që jetojnë në dy qendra kolektive në këtë qytet. Ky vendim është marrë pasi që është vlerësuar se gjendja shëndetësore e këtyre familjeve është e rëndë. Misioni i UNMIK-ut në Kosovë ka vendosur me kalimin e disa përgjegjësive nga ky mision në institucionet vendore Prishtinë, 20 janar 2003 - Misioni i UNMIK-ut në Kosovë ka vendosur me kalimin e disa përgjegjësive nga ky mision në institucionet vendore. Hollësitë rreth këtyre hapave priten të publikohen sot nga shefi i këtij Misioni Mihael Shtajner. Burime brenda këtij misioni nuk pranuan të japin hollësi rreth asaj se cilat do të jenë këto përgjegjësi, por theksuan se ky akt do të shënojë një fazë të re të marrëdhënieve ndërmjet Misionit të OKB-së dhe institucioneve të dala nga zgjedhjet e përgjithshme të vitit 2001. Ky vit edhe ashtu nga përfaqësuesit politikë është paraparë si periudhë e shtimit të përgjegjësive të institucioneve vendore të cilat deri tash ishin mjaft të kufizuara edhe në bazë të dokumenteve në fuqi. Çështja e përgjegjësive në disa raste është shndërruar në fërkime ndërmjet UNMIK-ut dhe institucioneve të Kosovës. Uiliam Nesh: Bashkësia ndërkombëtare e lejoi ekzistimin e sistemit paralel në veri të Mitrovicës Uashington, 20 janar 2003 - Ish-administratori i Mitrovicës Uiliam Nesh, një ushtarak karriere dhe ekspertë për problemet e Ballkanit, duke komentuar ndarjen e Mitrovicës ka theksuar se "mënyra se si bashkësia ndërkombëtare e lejoi ekzistimin e sistemit paralel në pjesën veriore ishte një gabim që të gjithë ne e lejuam të ndodhë ndarja e këtij qyteti". "Unë u them njërëzve këtu në SHBA se Mitrovica është një qytet i ndarë mes shumicës së popullsisë shqiptare dhe jopakicës serbe. Por në të dy pjesët ka pakica, përkatësisht shqiptarë në veri dhe serbë në jug. Në fakt që nga qershori i vitit 1999 më shumë shqiptarë kanë mundur të kthehen në pjesën veriore të lumit Ibër, sesa që serbët janë kthyer në jug. Dhe gjatë kohës sa unë kam qëndruar në Mitrovicë rreth 1000 shqiptarë kanë shkuar në veri", ka thënë ndër të tjera në një intervistë dhënë radios "Evropa e lirë", ish-administratori i Mitrovicës Uiliam Nesh. PVD: Ku tretën 40 mijë shqiptarë të luginës së Preshevës? Preshevë, 20 janar 2003 - Kryesia e Partisë për Veprim Demokratik (PVD) rezultatet e shpallura nga Enti Republikan i Statistikës së Serbisë për regjistrimin e popullatës në prill të vitit 2002, i vlerëson të rrumbullaksuara në mënyrë perfide si në manipulimet me regjistrimin e vitit 1991, kur shqiptarët e Luginës së Preshevës u detyruan ta bojkotojnë regjistrimin. Në një komunikatë të PVD-së thuhet se në bazë të raportit zyrtar të Entit statistikor të këtyre ditëve në Serbinë qendrore nga 75.725 shqiptarë në bazë të vlerësimit të vitit 1991, apo 72.484 shqiptarëve nga regjistrimi i vitit 1981, në prill të vitit 2002 kanë mbetur vetëm 59.952 shqiptarë. Kur kihet parasyshë shtimi natyror i shqiptarëve është e qartë se në bazë të këtij raporti janë tretur rreth 40.000 shqiptarë. Këtë zvogëlim drastik, jo vetëm të shqiptarëve por edhe të pjesëtarëve të shumicës së pakicave kombëtare që jetojnë në Serbinë qendrore dhe Vojvodinë, Enti statistikor e sqaron me metodologjinë e re, që kinse është e bazuar në rekomandime ndërkombëtare, e në bazë të së cilës nuk është përfshirë popullata që gjendet jashtë shtetit me punë të përkohëshme më gjatë se një vit. Në këtë komunikatë, Kryesia e PVD-së e vlerëson të pakuptimtë eliminimin statistikor të pjesës më perspektive të shoqërisë, që në rastin e Preshevës dhe Bujanovcit paraqet burimin kryesor të zhvillimeve aktuale ekonomike. Nga shenimet e Entit Statistikor të Serbisë, por edhe shenimeve të komisioneve komunale të regjistrimit, mjerisht mund të konstatohet se përveç afërsisht 25.000 shqiptarëve, që ky ent nuk i llogarit për shkak të qëndrimit të tyre më gjatë se një vit në shtetet Perëndimore, edhe rreth 15.000 shqiptarë të tjerë janë shpërngulur nga Serbia qendrore në periudhën mars 1989 - maj 2001 gjatë eksodit të popullatës shqiptare. Kryesia e PVD-së vlerëson se raporti i Entit Statistikor të Serbisë paraqet edhe një dëshmi brengosëse për ekzistencën e barrierave serioze që po paraqiten në procesin e demokratizimit të Serbisë dhe mjerisht konfirmojnë faktin se edhe më tutje do të vazhdojmë të ballafaqohemi me pasojat e manipulimeve demografike që nga koha e regjimit anticivilzues të Millosheviqit, thuhet mes tjerash në këtë komunikatë. Në Kanada është arrestuar një serb që ka kryer krime në Kosovë Beograd, 20 janar 2003 - Policia kanadeze ka arrestuar të premtën serbin Dejan Demiroviq, të akuzuar për krime lufte në Kosovë. Siç njoftojnë mediat serbe, ende nuk ka konfirmim zyrtar se Demiroviq është arrestuar për shkak të dorëzimit eventual autoriteteve në Serbi. Dejan Demiroviq dhe Sasha Cvetin, si pjesëtarë të forcave speciale serbe, akuzohen për krime lufte kundër popullsisë civile. Këta dy në mars të vitit 1999 në Podujevë kanë kryer masakra duke vrarë shqiptarë të pafajshëm. Berisha akuzon qeverinë për dështim ekonomik Tiranë, 20 janar 2003 - Udhëheqësi i opozitës, Sali Berisha akuzoi qeverinë e kryeministrit socialist, Fatos Nano për një dështim të plotë ekonomik dhe thellim të krizës në vend. Z. Berisha tha se e vetmja zgjidhje për situatën janë zgjedhjet e reja, të cilat duhet të mbahen në një kohë sa më të përshtatshme, duke nënkuptuar dhe zgjedhje të parakohshme. Deklarimet e kreut të opozitës janë më të ashprat pas një periudhe paqeje midis opozitës dhe shumicës. Intelektualët shqiptarë angazhohen për pranimin e shkencëtarve shqiptarë në Akademinë e Shkencave dhe Arteve në Maqedoni Shkup, 20 janar 2003 - Forumi i Intelektualëve Shqiptarë në Maqedoni ka bërë të ditur se nëse Akademia e Shkencave dhe Arteve në këtë vend do të vazhdojë të mbetet njënacionale, atëherë intelektualët shqiptarë do të themelojnë një institucion të ngjashëm. Akademia e Shkencave dhe Arteve në Maqedoni nuk ka asnjë akademik shqiptar. Kryetari i Forumit të Intelektualëve Shqiptarë në Maqedoni, Nazmi Maliqi në një intervistë dhënë BBC-së tha se kaluan 50 vjet prej kur është themeluar Akademia e Shkencave dhe Arteve në Maqedoni dhe ende nuk u gjet asnjë nga radhët e hulumtuesve shqiptarë që të bëhet anëtar i kësaj akademie. Forumi i Intelektualëve Shqipëtarë bën presion në këtë institucion që shqiptarët ta kenë vendin në këtë akademi. Z. Maliqi ka theksuar se është e pakuptimtë që deri më tash në Akademinë e Shkencave dhe Arteve në Maqedoni të mos ketë asnjë hulumtues shkencor shqiptar. Trajkovski kërkon që trupat e BE-së të marrin misionin e NATO-s në Maqedoni Shkup, 20 janar 2003 - Presidenti maqedonas Boris Trajkovski ka kërkuar zyrtarisht nga Bashkimi Evropian që të marrë mbi vete misionin paqeruajtës të udhëhequr nga NATO-ja në Maqedoni. Trajkovski këtë e ka kërkuar me një letër drejtuar përfaqësuesit të lartë të BE-së për Politikë të Jashtme dhe Siguri Havier Solanës. Kjo kërkesë kohë më parë ishte miratuar edhe nga Qeveria maqedonase. Nëse bisedimet për marrjen e misionit shkojnë shpejt trupat e BE-së mund të arrijnë në Maqedoni deri në muajin mars që të zëvendësojnë misionin aktual të NATO-s me 450 ushtarë, thonë zyrtarët e Shkupit. Koshtunica thotë se nuk ka ardhur koha e duhur për zgjidhjen e statusit final të Kosovës Beograd, 20 janar 2003 - Presidenti jugosllav Vojisllav Koshtunica vlerëson se nuk ka ardhur koha e duhur për zgjidhjen e statusit final të Kosovës duke shkuar ndesh me vlerësimet e kryeministrit serb Zoran Gjingjiq se ishte koha e duhur për fillimin e bisedimeve për statusin e saj final, mbase koha punonte kundër Serbisë. Në një intervistë për një gazetë beogradase, Koshtunica ka shfaqur bindjen e kundërt, duke thënë se "pas një apo tre-katër vitesh do të fitonim më shumë se ç'mund të fitonim tash" dhe se nuk frikohet se për Beogradin çdo rast vijues do të ishte më i dobët se i tashmi, ka vlerësuar Koshtunica. Ndërkaq, shefi i shtattmadhorisë jugosllave, gjenerali Branko Kërga ka thënë se çështja e Kosovës duhet të zgjidhet sa më parë dhe se ushtria bën strategjinë sikur Kosova të jetë pjesë përbërëse e Jugosllavisë, përkatësisht siç parasheh Rezoluta 1244 e Kombeve të Bashkuara. Për postin e nënkryetarit të Parlamentit maqedonas është kandiduar Agron Buxhaku Shkup, 20 janar 2003 - Kryesia qendrore e Bashkimit Demokratik për Integrim ka vendosur që për postin e nënkryetarit të Parlamentit të Maqedonisë të kandidojë deputetin Agron Buxhakun, ndërkaq për koordinator të grupit parlamentar të kandidojë Hisni Shaqirin. Tribunali i Hagës ka mirëpritur lajmin për dorëzimin e Millutinoviqit në Gjykatën e Hagës Hagë, 20 janar 2003 - Tribunali i Hagës ka mirëpritur lajmin se ish-presidenti i Serbisë Millan Millutinoviq do t'i dorëzohet sot vullnetarisht Gjykatës Ndërkombëtare për Krime Lufte, për t'u përgjigjur lidhur me akuzat që i vihen në barrë. Millutinoviqi u akuzua në maj të vitit 1999 së bashku me Sllobodan Millosheviqin, Vllajko Stoilkoviqin, Nikolla Shainoviqin dhe Dragolub Ojdaniqin. Prokuroria e Hagës e akuzon Millutinoviqin se ka pasur kontrollin formal ndaj forcave serbe, të cilat kanë vrarë dhe kanë dëbuar shqiptarët e Kosovës gjatë luftës. Nga Tribunali theksohet se me arritjen e Millutinoviqit në Hagë krijohen kushte për fillimin e mirëfilltë të gjykimit të grupit për Kosovën. Ish-kancelari Kol paralajmëron rrezikun e forcimit të antiamerikanizmit në Gjermani Berlin, 20 janar 2003 - Pas marsheve protestuese në disa qytete gjermane kundër përgatitjeve amerikane për luftë në Irak, ish-kancelari gjerman Helmut Kol ka tërhequr vërejtjen për rrezikun e forcimit të antimerikanizmit. Kol ka thënë se i kupton përse shumë gjermanë nuk duan luftë në Irak, por se tani nuk është momenti që ndjenjat e tyre të drejtohen kundër SHBA-ve. Ata që kanë demonstruar nuk guxojnë të harrojnë mbrojtjen që SHBA-të pas vitit 1945 i ofruan Gjermanisë, ka thënë ish-kancelari 72-vjeçar. "Gjermanaia pas vitit 1945 është e lirë sepse amerikanët qëndruan me ne", ka thënë Kol. "Në vitet pesëdhjet shumëkush nuk do të mund të demonstronte po të mos ishte mbrojtja e SHBA-ve", ka thënë ai. Gjermania nuk mund të vështrojë anash sesi diktatorët grumbullojnë armë për shkatërrim në masë, ka thënë Kol. Në një sallon masazhi në Kejptaun të Afrikës së Jugut janë vrarë shtatë persona Kejptaun, 20 janar 2003 – Në një sulm ekzekutimi të jashtëligjshëm në një sallon masazhi homoseksual në Kejptaun të Afrikës së Jugut janë vrarë shtatë persona, të cilët janë qëlluar në kokë me armë zjarri dhe pastaj janë prerë në fyt, ka bërë të ditur policia, njofton BBC World. Njoftohet se policia është ftuar nga fqinjët, që kanë dëgjuar të shtënat. Me këtë rast, janë plagosur edhe tre persona të tjerë, dy syresh shumë rëndë. Që të dhjetët janë qëlluar me pluimb në kokë. Fqinjët kanë thënë se viktimat kanë qenë dilerë droge dhe ishin grindur ndërmjet tyre më parë, por policia s'ka mund të vërtetojë këtë. Izraeli i gatshëm të njohë një shtet palestinez të demilitarizuar Tel Aviv, 20 janar 2003 - Kryeministri i Izraelit Ariel Sharon deklaroi se eshte i gatshem te njohe nje shtet te demilitarizuar palestinez ne rast se autoritete e ketij vendi do te pengonin aktivitetet terroriste. Por ai e hodhi poshte planin e fundit te hartuar nga fuqite e medha per zgjidhjen e konfliktit. Ky plan parashikon mes te tjerash krijimin e shtetit palestinnez brenda tre vjetesh. Sharoni tha se perpara fillimit te bisedimeve duhet te permbusheshin nje sere kushtesh. Siria kërkon një takim mes vendeve fqinjë të Irakut Damask, 20 janar 2003 - Siria po përpiqet të organizoje një takim të ministrave të jashtëm të fqinjëve të Irakut, për të diskutuar lidhur me mënyrat e shmangjes së një lufte të mundshme amerikane kundër Bagadadit. Damasku ka ofruar organizimin e këtij takimi që mund të rezultojë në zhvillimin e një samiti në Ankara të liderëve nga Siria, Irani, Arabia Saudite, Jordania, Kuvajti dhe Turqia. SHBA u kanë kërkuar disa prej këtyre vendeve ndihmë për të sulmuar Irakun, i cili akuzohet për prodhimin e armëve të shkatërrimit në masë. Pjesa më e madhe e fqinjëve irakianë e kundërshtojnë me forcë çdo lloj sulmi ushtarak. Ushtria gjermane do të bëjë roje në kazermat amerikane në Gjermani Berlin, 20 janar 2003 - Forcat e ushtrisë gjermane do të bëjnë roje në bazat dhe instalimet ushtarake amerikane që ndodhen në Gjermani. Një zëdhënës i Ministrisë së Mbrojtjes tha se rreth 7 mijë ushtarë gjermanë do të ruajnë 100 reparte amerikane. Nuk është e qarte se persa kohë do te vazhdojë një gjë e tille, por Uashingtoni këmbëngul se kjo duhet te zgjase per 2 vjet. Zyrtaret gjermane jane shprehur se kjo peridhë sipas tyre është shumë e gjatë. Operacion antiterrorist në Londër- arrestohen 6 persona Londër, 20 janar 2003 - Policia në Londër ka bastisur një xhami të kryeqytetit dhe ka arrestuar shtatë persona. Xhamia në parkun Finsbëri ka qenë epiqendër e debateve në Britani për shkak se aktivitetit radikal të një kleriku musliman që shërben atje. Kleriku në fjalë, Abu Hamza akuzohet se ka bërë deklarata politike luftënxitëse për krizën në Irak si dhe situatën në Afganistan. Ende nuk dihet nëse ai u arrestua gjatë kontrollit të policisë. Zyrtarë të lartë amerikanë paralajmërojnë Irakun se po i mbaron afati Uashington, 20 janar 2003 - Inspektorët shpresojnë të sigurojnë një bashkëpunim më të madh nga Iraku para dorëzimit në Këshillin e Sigurimit të raportit të rëndësishëm të 27 janarit. Kryeinspektori armëve, Hans Bliks, tha për rrjetin televiziv CNN se gjatë ditëve të fundit janë vënë re disa probleme. Në programin e rrjetit televiziv, NBC, “Takim me Shtypin”, këshilltarja e Shtëpisë së Bardhë për Sigurimin Kombëtar, Kondoliza Rajs tha se ajo do të preferonte eksplorimin e të gjitha mënyrave për ta përmbysur Sadam Huseinin, por gjithashtu paralajmëroi se mendonte se nuk kishte gjasa që ky person të largohet ndryshe veçse nëpërmjet forcës. Zonja Rajs përsëriti gjithashtu qëndrimin e Shtëpisë së Bardhë se nuk egziston ndonjë afat për inspektorët e armëve apo afat për marrjen e një vendimi për veprime ushtarake. Portieri i përfaqësueses së Hondurasit është vrarë nga sulmues të panjohur San Pedro Sula, 20 janar 2003 - Portieri i përfaqësueses fudbollistike të Hondurasit, Milton Havier Florens, është vrarë me armë automatike nga sulmues të panjohur në qytetin San Pedro Sula, derisa gjendej në veturën e tij. Policia e Hondurasit mendon se Florens ka qenë cak i një bande të rinjsh të atyre anëve, ku shpesh ndodhin vrasje të tilla. Gjashtë persona kanë humbur jetën në një aksident trafiku afër Sofjes Sofje, 20 janar 2003 - Gjashtë persona kanë humbur jetën kur një autobus i Turqisë kishte rrëshqitur nga magjistralja në një lum 60 kilometra në lindje të Sofjes. Policia bullgare tha se nga viktimat e nxjerra, dy janë bullgarë kurse tre shtetas të Turqisë. Gjashtë imigrantë ilegalë janë gjetur të vdekur në një barkë të vogël në bregdetin jugor të Italisë Romë, 20 janar 2003 - Gjashtë imigrantë të dyshuar ilegalë janë gjetur të vdekur në një barkë të vogël në bregdetin jugor të Italisë përtej Santa Maria di Leuca, kurse gjashtë të tjerë ishin akoma gjallë, njoftojnë autoritetet bregdetare të Italisë. Në komunikatë thuhet se sipas autoriteteve greke, anija mund të ishte nisur nga Greqia apo Shqipëria në drejtim të Italisë me 30 njerëz, në 16 janar. Autoritet e Barit kanë ndërmarrë hetime, por akoma nuk u njoftua përkatësia nacionale e atyre njerëzve. Ramsfeld thotë që Sadamit t'i jepet imunitet nga akuzat pwr krime lufte nëse largohet nga pushteti Uashington, 20 janar 2003 - Sekretari amerikan i Mbrojtjes, Donald Ramsfeld ka thënë se do të mbështeste që Sadam Huseinit dhe liderëve të tjerë të lartë irakianë t'u jepej imunitet nga akuzat e mundshme për krime lufte nëse ata largohen nga pushteti dhe pranojnë egzilin me qëllim të shmangies së luftës së prirë nga Shtetet e Bashkuara. "Mendoj se kjo do të ishte shkëmbim fer për të shmangur luftën", ka thënë Ramsfeld duke iu përgjigjur pyetjes nëse Shtetet e Bashkuara do të mbështesnin iniciativat që thuhet se kanë marrë liderët arabë me qëllim të bindjes së Sadamit që të largohet vullnetarisht nga pushteti. Lidhur me trajtimin e ambicieve bërthamore të Koresë Veriore, Ramsfeld ka thënë se "të gjitha opsionet akoma janë në tryezë" duke mos përjashtuar as luftën.

	Copyright©2000-2003 Trepca.net - Të gjitha të drejtat e rezervuara.