OPINIONE

RTK RIKTHEU TRIUMFALISHT FIGURËN E DIKTATORIT ENVER HOXHA

Zvicër, 18 janar 2003./ Shefqet DIBRANI

 

Enver Hoxha

Sigla RTK që përcakton shenjën e Radio-Televizionit të Kosovës e udhëhequr nga ish Kryetari i Lidhjes së Rinisë Socialiste të Jugosllavisë Agim Zatriqi është bërë sinonim i tmerrit dhe denigrimit të proceseve demokratike në Kosovën e udhëhequr nga ndërkombëtarët të cilët me mburrje flasin se vetë po e monitorojnë këtë institucion vital për t’iu paraprirë proceseve të reja në këto hapësira.   Monitorimi i RTK-së nga ato vende që janë sinonim i demokracisë dhe i rendit të ri botëror sikur i step ndjenjat e secilit qytetar që shpresonte se në Kosovë më në fund po fryjnë erëra të reja të cilat me të gjitha shtërngatat e krimit politik dhe ekonomik do të triumfojnë dhe mbase një ditë ky popull do të gëzoj lirinë dhe demokracinë e mbuluar me rendin, qetësisnë dhe normat ligjore të rrespektuara nga të gjitha shtresat e popullsisë.             Jo vetëm që nuk ka shenja të ndërprejes së krimit politik, jo vetëm që nuk i ndalet hovi krimit ekonomik, shkatrrimit të infrastrukturës, uzurpimeve dhe ndërtimeve pa leje, por kjo gjë stimulohet pikërisht nga organët drejtuese të RTK-së të udhëhequra nga struktura të njejta të Lidhjes Komuniste të Jugosllavisë të njohura për opinionin kosovar si dora e hekurt e pushtetit policor serb në këto hapësira.

 

Tani më hapur e më hapur shfaqen në ekranin e RTK-së lidhjet serbe dhe ish funksionarët komunist të kësaj perudhe. Tani më dita më ditë dalin analist e analist dhe derdhin elanin e tyre në mbrojtje të konceptit serb në Kosovë. Tani më edhe nga fëmijet njifen analistët e till të cilët ishin bashkëpunëtor të shefafe të sigurimit shtetror serb dhe epror të zellshëm të kësaj propagande. Bij udbashësh e shefash policie sekrete, dhe nxënës të zellshëm të gazetarisë primitive kosovare e cila edhe në këto kohëra është mbytur në vorbullin e propagandës serbe.

 

Edhe pse këto të dhëna na janë të njohura për shumicën e popullsisë kosovare drejtuesit e RTK-së sikur nuk ndjeheshin mirë dhe sikur janë duke menduar se ky popull nuk është duke kuptuar se këta propagandistë iu kanë paraprirë furtunave të tmerrshme që ndodhën nga paramilitarët serb dhe hordhitë tjera të strukturave ushtarake e policore. Tani më këta drejtues të propagandës serbe në Kosovën e administruar nga ndërkombëtaretë dhe para syve të tyre, me mjetet materiale që i monotorojnë ata dita më ditë po rikthejnë konceptin komunist të këtij televizioni i cili gjat gjithë jetës së tij mbet i huaj për teleshikuesit shqiptar.

 

Rikthimi i filmave që ngritin në qiell konceptin komunist siç është filmi „NUSJA DHE SHTETRRETHIMI“  të shqetson deri në atë mas sa ndjenjat bien për tokë kur pason filmi tjetër i vëllazërim-bashkimit i produkcionit kosovar me titull „TRE VETA KAPËRCEJNË MALIN“, nuk ka asnjë rëndsi ku është marrë brumi i këtij filmi, e vërteta është se ky filëm që lartson idealët komuniste në kohën e të ashtuquajturit „vëllazërim-bashkim“ i ka kaluar të gjitha filtrat e sigurimit shtetror serb që kontrollonte çdo pore të jetës kulturore në Kosovë. Për t’ia vënë kapuçin kësaj pikëpamje kohëve të fundit ka filluar të rishfaqet filmi „BALLË PËR BALLË“ i cili t’i rikujton defilimet e dhunshme me parollat famoze në brohoritje të PPSH dhe të diktatorit të saj Enver Hoxha.

 

Figura e këtij diktatore që me ardhjen e ndërkombëtarëve është rikthyer në të gjitha librarit e Kosovës dhe tek librashitësit nëpër të gjitha sheshet e Prishtinës dhe të mbarë Kosovës.

 

Rikthimi triumfal i konceptit komunist dhe rikthimi i figurës së diktatorit më stalinist që ka njohur ballkani nga stafi drejtues i RTK-së si duket llogaritet si politika më e menqur për të arsyetuar krimin politik që kanë bërë për gjysëm shekulli komunistët e kësaj hapësire, kurse për monotoruesit e këtij mediumi informativ të cilët po derdhin miliona  Euro në shërbim të kësaj qoroditje politike është e pakuptueshme kur vendet e tyre kanë përparuar vetëm pse me dinjitet dhe sakrifica kanë refuzuar konceptin komunist për të administruar vendet e tyre.

 

Copyright©2000-2003 Trepca.net - Të gjitha të  drejtat e rezervuara.