OPINIONE

VARRMIHËSIT E PAVARËSISË SË KOSOVËS

KAINËT NGA RRADHËT TONA SKLLAVËR TË SHITUR, OSE NË SHËRBIM TË ARGATËVE VAZALË ..!?

12 janar 2003 / Shkruan: Rexhep Elezaj

 

 

Dihet se shqiptarët si popull dhe si komb qëkur ekzistojnë e deri më sot gjithnjë jetuan të rrethuar ose të robëruar nga armiqët, qoftë nga ata në anën jugore të kufijëve të tyre etnikë, nga ata lindorë e veriorë, qoftë nga ata përendimorë. Pesë shekuj me rradhë ilirët jetuan nën perandorinë romake (167 para e.r.-395 pas.e.r.), pastaj nën Bizantin (shekulli –IV- XIV-të), ku gjatë kësaj periudhe jetuan nën sundimin e mbretërisë bullgare dhe asaj serbe të nemanjiçëve, përjetuan edhe sulmet e normanëve me 1081, etj.

 

Në vazhdim për pesë shekuj të tjerë do të jetojnë nën perandorinë osmane (shek. –XV- XIX-të), ndërsa nga viti 1916-të e deri me 1920 nën pushtimin austro-hungarez, dhe nga ky vit e deri me çlirimin e Kosovës me 12 qershor 1999 pjesa më e madhe e shqiptarëve të mbetur jashtë kufijëve londinez të Shqipërisë do të jetojë nën okupimin klasik të mbretërisë serbo-kroato-sllovene (jugosllavia e vjetër dhe ajo e “re” e krijuar pas LDB-së) në të cilën robëri edhe sot e kësaj dite vazhdojnë të jetojnë më shumë se një milion shqiptarë, një pjesë në Serbinë jugore, ndërsa pjesa më e madhe e tyre në Maqedoni, duke mos harruar zhbërjen e plotë të dy milion shqiptarëve çamë nga shovinistët grekë, dhe kështu me rradhë nën rrethana okupimi dhe robërie të pandërprerë deri më sot!

 

Duke pasur parasysh këtë gjendje të hidhur të historisë sonë shekullore disa analistë thonë se pas gjithë kësaj katrahure njerëzore dhe kombëtare dhe nga një padrejtësi kaq e madhe e ushtruar ndaj kombit shqiptar së bashku me fatkeqsitë dhe vuajtjet të cilat i përcollën ata ndër shekujë, edhe kështu siç janë (jemi) sot, shumë të mirë janë (jemi), qoftë si njerëz, qoftë si komb, sidomos nësë kihet parasysh gjithë ajo peshë e rëndë dhe shekullore e cila ka rënduar me aq pamëshirë mbi supet e tyre si kolektivitet dhe si individë të sulmuar gjithmonë nga armiqët të cilët nuk lanë mjet pa përdorur kundër shqiptarëve me qellim për t’i shuar dhe zhbërë nga faqja e dheut.

 

Kujtoni vetëm sa luftëra janë bërë kundër nesh, vetëm sa rrebeshe dhe furtuna e kanë goditur tokën dhe hapsirën tonë gjeografike, vetëm sa skenare janë bërë gjatë shekujve të shkuar për të na shfarosur nga kjo botë, vetëm sa dhe çfarë metodave të poshtëra janë përdorur për të na asimiluar herë në grekë e herë në sllavë, herë në turq e herë në romanë, vetëm sa armë janë zbrazur kundër nesh për të na vrarë dhe masakruar tërsisht dhe mizorisht, vetëm sa libra dhe elaborate janë shkruar për të na njollosur para botës, vetëm sa regjime barbare kanë shkelur mbi lëkurën dhe dinjitetin tonë njerëzor dhe kombëtar, vetëm sa sfida i ka përjetuar kombi ynë gjatë mijëvjeçarëve të kaluar për të arritur më në fund me gjysëm trupi këtu ku është sot?!

 

Pas gjithë këtyre tmerreve dhe tkurrjeve fizike që kanë përjetuar shqiptarët shtrohet pyetja; ku kanë arritur ata sot, a i kanë shpëtuar rreziqeve dhe kurthave politike, a kanë dalur nga zona blu e ndjekjeve dhe përndjekjeve nga kulshedrat e çartura dhe lugetërit e natës së gjatë sllavo-ortodokse, a kanë bërë punën e domosdoshme që ta kapërcejmë ikonografinë prej popullit të nëmur dhe të mallkuar, a kanë bërë sa duhet që ta thejnë ose kapërcejnë rrethojën e hekurt brenda të cilës i kishin ngujuar armiqët e tyre si në ferrin e Dantes në rrathë dhe kate prej skëterrave më antinjerëzore..?!

 

Mendoj se edhe pranë asaj se si komb kemi hyrë në kohëra dhe rrethana të reja të jetës, ne ende gjendemi në një udhëkryq të madh historik, se ende nuk iu kemi shpëtuar rreziqeve dhe kurthave të cilat edhe sot i mbajnë të ngrehura kundër nesh armiqët tanë të përbetuar, se gjindemi gjithnjë brenda zonës së ndjekjeve përbindëshe si njerëz dhe si komb, se gjithnjë  mbi kokat tona po qëndron mallkimi i zanave të malit për shkak se nuk lozëm vallet e dasmave të tyre “ëngjëllore”, se ende nuk kemi bërë sa duhet për (ri)ndërtimin e kalasë tonë kombëtare në të cilën do të hynin vetëm dashamirët e kombit shqiptar, brenda së cilës do të mbretëronte harmonia dhe respekti vëllazëror, etj.

 

Mirëpo, për fat të keq kalanë iliro-shqiptare e sulmuan dhe shpesh e pushtuan armiqët e jashtëm, e goditën me topa dhe granata të rënda dhe nuk lanë gurë pa gjuajtur mbi të, dhe kjo ndoshta në një aspekt është e kuptueshme, mirëpo, a mund të na e shpjegojë dikush se cilët ishin dhe cilët vazhdojnë të jenë sulmuesit dhe rrënuesit e Kalasë shqiptare nga brenda, pse ngelën brenda saj dhe cilët vazhdojnë të jenë argatë të argatëve vazalë, e të gjithë së bashku në shërbim të armiqëve shekullorë, kush janë ata të cilët me kaq zell po ia gërryejnë themelet godinës së popullit më të lashtë në Ballkan, Ilirikumit shqiptar, po duan t’ia prejnë rrënjët pëmës më të vjetër njerëzore në Europë, cilët janë ata të cilët po ia hapin varrin Kosovës, cili është ai soj ose ajo rasë e verdhë e cila ka marrë rolin që deri në fund të punojë kundër interesave shqiptare, të shkatrrojë çdo gjë shqiptare, të përdhosë dhe denigrojë kulturën dhe traditat tona të lashta para botës, cila është ajo murtajë e zezë brenda kalasë shqiptare e cila është infektuar kaq shumë me helmin e urrejtjes dhe mosdurimit ndaj kundërshtarëve politikë të një caku, cilët janë ata bastardë të cilët i ka kapluar si kanceri degjenerimi moral dhe shpirtëror deri në ate masë sa të vrasin në mënyrë kaq barbare intelektualët dhe ushtarakët tanë më të spikatur siç bënë me rastin kur vranë Kolonel Tahir Zemën me të birin Enisin dhe kusherinin Hasanin mbi të cilët, vetëm në anën ku ishte i ulur ushtaraku ynë legjendarë kishin zbrazë mbi 50 plumba (!!!), cilët janë, pra, kainët të cilët vetës i japin të drejtën që të vrasin në emër të popullit, sikur ajo e drejtë të ishte rezervuar vetëm për ta nga Zoti, kush ia ka mbjellur kësaj fare antishqiptare shpirtin e robërit, shpirtin e skllavit, shpirtin e të nënshtruarit, mendjen e të vërbuarit, logjikën e vrastarit, dorën e kriminelit, të jetuarit pa ndjenja dhe pa kurfarë ndërgjegjeje kombëtare dhe politike, apo bëhët fjalë për pjellë satane e shëndrruar totalisht në skllavër të shitur për një grusht parash?!

 

Atij që i rrjedhë vetëm një pikë gjaku shqiptar nëpër damarët e vetë, ai nuk vret kurrë kështu mizorisht dhe në pabesi, shqiptari i vertetë nuk ka vrarë kurrë kaq barbarisht, por as nuk i gëzohet vrasjes së burrave më të mirë të kombit, nuk bënë as ahengje dhe nuk ngritë dolli kur Kosovës i vriten në prita mashkujt më të fortë të shqiptarisë, nuk dalldiset si dreqi prej gëzimit kur vranë kolonel Tahir Zemën aq mizorisht duke ia ç’farosur rrënjën kur bashkë me të i vranë edhe të birin e vetëm në lulën e rinisë!? Këso farë veprash dhe vrasjesh kaq makabre nuk kanë kryer kurrë shqiptarët qëkur është kurdisur bota!

 

Krime të këtilla në Kosovë kanë bërë vetëm kriminelët serbë, sepse siç dihet nga historia jonë shqiptarët nuk e kanë pasur kurrë zakon që ata të cilët i kanë vrarë për motive morali ose trashigimie t’i djegin ose t’i karbonizojnë, sepse të vdekurin e kanë nderuar më shumë se të gjallin. Pra, kush janë këta kriminelë ordinerë që po vrasin në këtë mënyrë pavarësinë e Kosovës të sapo dalë nga lufta çlirimtare, mbase këto vrasje nuk janë të shqiptarëve, këto janë vepra krimi të sojit më antishqiptar që ka njohur ndonjëherë shoqëria jonë. Merreni me mend; vetëm në tri vitet e fundit qëkur Kosova frymon e lirë për shkaqe dhe motive politike dhe jo politike janë vrarë diku mbi 900 persona (sipas zëdhënsit të policisë së UNMIK-ut)?!  

 

Prandaj themi me bindje të plotë se po të mos kishte mbetur brenda kalasë shqiptare kjo farë e degjeneruar nga ideologjia e komunizmit , kjo falangë e shitur dhe me një sy në ballë, po të mos vepronte brenda shtepisë sonë kjo bimë dreqi, sigurisht se sot shqiptarët kudo që janë do ta gëzonim lirinë e plotë, qëmoti do ta kishin bërë realitet bashkimin kombëtar, kaherë pra do ta kishim ndërtuar Parajsen shqiptare mbi tokën iliro-dardane, do ta kishin mbushur truallin dhe qiellin shqiptar përplotë me lulëbozhure, me lulëtrandëfile, me lulëdëbore, e me çka jo tjetër nga bota e ëndrrave dhe e dëshirave të tyre?!

 

Se po të mos kishin qëlluar brenda shtepisë sonë këta varrmihës të shtetit në ndërtim të Kosovës, se po të mos i vrisnin këta kainë dëshirat e kahmotshme shqiptare për liri dhe bashkim kombëtar, po të mos ngriteshin në këmbë këta lugetër të çartur, këta lukunë e xhuxhemaxhuxhë të veshur në petka gjarpërinjësh të zi si kobrat, këta rrogëtarë të dreqit të kuq të karpateve, këta siamezë nga farë e ideologjisë ruso-sllavo-ortodokse, etj, sot në Ballkan nuk do të shihte syri godinë më të bukur se ate të shqiptarëve, nuk do të kishte popull më lumtur se ai shqiptar, nuk do të kishte as shtet më të pasur në këtë pjesë të Europës se ai i kombit shqiptar! O Zoti ynë, mallkoje edhe Ti ate dorë vrastare e cila çdo ditë po vretë djemt dhe bijtë më të mirë të shqiptarisë!

 

Copyright©2000-2003 Trepca.net - Të gjitha të  drejtat e rezervuara.