Vizioni Rinor i Partisë së Drejtësisë ngushllon Forumin Rinor të LDK-së me rastin e aktit kriminal në Pejë

5 janar 2003 / Albinot Maloku ( nënkryetar i Vizionit Rinor të Partisë së Drejtësisë)

 

 

I nderuari Forum Rinor i LDK-së,

shumë i respektuari kryetarë z.Lulzim Zeneli

Vizioni Rinor i PD-së vrasjen e kolonel Tahir Zemajt, djalit Enis Zemajt dhe kryetarit të FR. të LDK-së në Deçan Hasan Zemajt e cilëson si akt të shëmtuar kriminal.

Jemi të indinjuar dhe të shqetësuar me neglizhencën dhe joefikasitetin e strukturave të mbrojtjes dhe sigurisë në Kosovë, siç është policia e UNMIK-ut, KFOR-i, SHPK dhe TMK, në parandalimin e akteve të tilla terroriste dhe kapjen e autorëve të krimit të organizuar në Kosovë.

Ne cilësojmë se këto vrasje të organizuara njollosin gjakun dhe sakrificen e popullit shqiptar.

Kjo pa dyshim është ne kundërshtim të plotë me rregullat e demokracisë dhe shtetin ligjor kjo siç po shihet po u ndodhë shqiptarëve edhe pas më shumë se tri vjet të çlirimit nga pushtuesi serbosllav.

Këtë shqiptarët nuk e meritojnë dhe presim që drejtësia mbi këto akte të triumfoi, kemi besim të madh në atë se drejtësia do të triumfoi.

Albinot Maloku,

nënkryetar i Vizionit Rinor të Partisë së Drejtësisë

Copyright©2000-2003 Trepca.net - Të gjitha të  drejtat e rezervuara.