Kryesia e LDK-së dënon ashpër vrasjen e mbrëmshme mizore në Pejë

		Prishtinë, 5 janar 2003 - Kryesia e Lidhjes Demokratike të Kosovës (LDK) dënon ashpër vrasjen mizore mbrëmë në Pejë të ish-komandantit të UÇK-së, kolonel Tahir Zemaj, me djalin e tij Enisin dhe antëarit të Kryesisë së Degës së LDK-së dhe kryetarit të FR të LDK-së në Deçan, Hasan Zemaj. Në një komunikatë të lëshuar nga Kryesia qendrore e LDK-së thuhet se për LDK-në, kjo është një vrasje që godet rëndë demokracinë, lirinë e qytetarëve, dhe njëherit është goditje e drejtuar kundër pavarësisë, stabilitetit dhe progresit në Kosovës. Fillimi i vitit të ri, 2003 me këtë vrasje kriminale, është një shenjë se në Kosovë megjithatë ende ka individë dhe grupacione që punojnë dhe veprojnë kundër stabilitetit politik, zhvillimit dhe përparimit të Kosovës. LDK-ja, thuhet më tutje në komunikatë, edhe një herë u bën thirrje të gjitha organeve kompetente, policisë së UNMIK-ut, SHPK-së dhe organeve të drejtësisë që të zbardhin rastin sa më shpejt dhe aktorët e krimeve të tilla të dalin sa më parë para drejtësisë. Me këtë rast Kryesoia e LDK-së u shpreh ngushëllimet e thella familjeve të të ndjerëve.
Ministri Ahmet Krasniqi dhe koloneli Tahir Zemaj (1998) dy heronj të dashur të popullit të Kosovës.

Copyright©2000-2003 Trepca.net - Të gjitha të  drejtat e rezervuara.