Dhuratat e Kryqit të Kuq, përkatësisht Behxhet Pacollit shkaktojnë pakënaqësi tek përfaqësuesit e fshatrave të Llapit

Podujevë, 30  dhjetor 2002 (TN) – Ju njoftojmë me keqardhje se dhuratat e vitit të ri për fëmijët e moshës 3-8 vjet, janë reduktuar nga donatori për 50% (prej numrit 13.500 sa kanë qenë të rexhistruara në 7000), thuhte në infomatën e Kryqit të Kuq komunal të Podujevës shpërndarë përfaqësuesve të fshatrave me rastin e ndarjes së dhuratave.

 

Mirëpo përfaqësuesit e fshatrave janë të indinjuar sepse kanë telashe me familjet fëmijët e të cilëve janë rexhistruar në listat e Kryqit të Kuq. Përfaqësuesi i fshatit Sibofc i epërm z. Ramadan Mahmuti thotë se e ka vështirë ti bindë familjet e regjistruara për dhuratat e tilla 100 gramëshe.

 

Të njëjtin hall e ka edhe përfaqësuesi i fshatit Gllamnik, ku nga 591 fëmijë të moshës 3-8 Kryqi i Kuq ka ndarë në mënyrë selektive këto dhurata simbolike. Probleme të tilla ka edhe në lagjet e Podujeva 1 dhe 2 por edhe disa fshatra që nuk janë përfshirë fare siç është Sfeçla dhe disa fshatra tjera.

 

Përfaqësuesit e fshatrave kërkojnë mirëkuptim nga familjet llapjane sepse nuk janë ata që kanë reduktuar numrin e fëmijëve dhe ndihmën e premtuar.

Copyright©2000-2002 Trepca.net - Të drejtat e rezervuara.