Lajme, 28.12.2002 (a)

28/12/2002 - Trepça.net

Lajme, 28.12.2002

Përmbajtja:

S.Berisha thotë se në një votim shqiptarët e Kosovës do të votojnë për pavarësinë e tyre
Gjatë vitit 2002 është krijuar bazë e mirë në mbrotjen e ambientit e planifikimit hapësinor
Sipas hetimeve të para në veturën e Adem Zekajt një granatë dore ka shpërthyer aksidentalisht
Tre të vdekur në një aksident trafiku në aksin rrugor Prishtinë-Pejë
Beogradi zyrtar dorëzon disa dokumente sekrete ushtarake e policore të kërkuara nga Tribunali i Hagës
Ministri maqedonas i drejtësisë thotë se fati i të zhdukurve do të ndriçohet sa më parë
Beogradi do të shpallë në janar strategjnë e përbashkët për ndërlidhjen e bashkësisë serbe në Kosovë
Arbër Xhaferi thotë se kriza e re politike në Maqedoni është pasojë e mungesës së vizionit
Të pakten 46 njerëz janë vrarë dhe mbi 100 janë plagosur nga dy shpërthime të fuqishme Çeçeni
Bush dëshiron që Kongresi të miratojë ligjin i cili ndalon çfarëdo klonimi të njeriut
Shtëpia e Bardhë i ka bërë thirrje Koresë Veriore që të ndërpresë programet për armë bërthamore
Opozita "fiton" zgjedhjet në Kenia
Vazhdon puna nën rrënojat e Groznit
Korea e Jugut në sulm diplomatik për Veriun

S.Berisha thotë se në një votim shqiptarët e Kosovës do të votojnë për pavarësinë e tyre


Më tutje ai tha se preferon që për problemet e brendshme të Kosovës të mos merret shumë, sepse Kosova tani ka institucionet shtetërore me njohje të plotë ndërkombëtare.
Ndërkaq lidhur me debatet nëse Kosova duhet t'i ketë simbolet e veta shtetërore, Sali Berisha thotë se "përderisa përcaktimi kryesor në votime dhe në luftë i shqiptarëve të Kosovës ka qenë pavarësia, atëherë është shumë e natyrshme që një shtet i pavarur nuk mund t'i adaptojë simbolet dhe himnin e një shteti tjetër".

"Kosova do ketë flamurin e vet që nuk mund të jetë si flamuri i Shqipërisë, se nuk pranon kush dy shtete me një flamur dhe nuk mund të këndohet i njëjti himn, sepse nuk pranon kush dy shtete me një himn. Dhe ato janë simbole sa kombëtare, aq edhe ndërkombëtare.... Populli i Kosovës është përcaktuar për pavarësi. Unë gjykoj se çdo qëllim tjetër nuk pajtohet me vullnetin e këtij populli".
I pyetur nëse partia që ia drejton mbështet pavarësinë e Kosovës, Sali Berisha, u përgjegj:
"E mbështes, por unë mbështes edhe Shtajnerin. Ideja e Shtajnerit që standardet në fillim dhe statusi mbrapa. Sot s'ka pavarësi pa kushte, të gjitha këto vendet tona të pavarura janë me kushte.
Edhe më mirë që janë me këto kushte, se këto kushte synojnë veçse realizimin e standardeve demokratike, synojnë prosperitetin, d.m.th. nuk është se me këto kushte, një vend tjetër, apo një grup vendesh, përfitojnë më shumë në kurriz të një vendi tjetër".

Në vazhdim të kësaj interviste Berisha flet edhe për për pozitën e shqiptarëve në Maqedoni, Preshevë, Bujanovc e Medvegjë dhe në Mal të Zi.
Berisha pozitën e shqiptarëve në Maqedoni pas marrëveshjes së Ohrit e sheh "në një pozitë dinjitoze, një pozitë e cila me zbatimin e marrëveshjes gjithmonë i bën ata që të dalin të barabartë para ligjit". Ai shpreh besimin që marrëveshja e Ohrit përbën një bazë reale për një paqe të qëndrueshme në Maqedoni.
Ndërkaq për shqiptarët në Mal të Zi, z. Berisha thotë se po ponojnë mençurisht për zgjerimin dhe konsolidimin e të drejtave të tyre. Ata kanë bërë progres në standardet e lirive dhe të drejtave të minoriteteve në Mal të Zi, tha ai.

Sa u përket shqiptarëve në Preshevë dhe Bujanovc, marrëveshja e nënshkruar ka mjaft elemente të konkretizuara, tha mes tjerash në në këtë intervistë kryetari i PD-së Sali Berisha, të cilën gazeta e boton në numrin e sotëm.

Gjatë vitit 2002 është krijuar bazë e mirë në mbrotjen e ambientit e planifikimit hapësinor

Prishtinë, 28 dhjetor - Gjatë vitit 2002 është krijuar bazë e mirë për realizimin e projekteve të reja nga fusha e mbrotjes së ambientit e planifikimit hapësinor, deklaroi ministri i Ambientit dhe Planifikimit Hapësinor Ethem Çeku në një takim me gazetarë.

Ai veçoi hartimin e ligjit për mbrojtjen e ambientit dhe shtoi se Agjencia Evropiane për Rindërtim do të dhurojë në vitin e ardhshëm 4 milionë euro për mbrojtjen e ambientit në Kosovë.
Kësaj ministrie në vitin 2002 i janë dhënë 1.700.000 euro, ndërsa për vitin 2003 dy milionë euro.


Sipas hetimeve të para në veturën e Adem Zekajt një granatë dore ka shpërthyer aksidentalisht

Pejë, 28 dhjetor 2002 - Në fatkeqësinë që kishte ndodhur në Pejë nga një shpërthim, ku kishte humbur jetën Adem Zekaj, thuhet se kjo ishte pasojë e përdorimit të gabuar të armëve të zjarrit.

Në bazë të hetimeve të para zyrtarët e KFOR-it thanë se shpërthimi nga i cili humbi jetën Adem Zeka dhe u lënduan bashkëudhëtarët e tij ka ndodhur kur viktima duket nga pakujdesia ka hequr siguresën nga granata që ndodhej në derën e veturës së tij, e cila ka shpërthyer aksidentalisht.


Tre të vdekur në një aksident trafiku në aksin rrugor Prishtinë-Pejë

Prishtinë, 28 dhjetor 2002 - Mbrëmë në aksin rrugor Prishtinë-Pejë, te vendi i quajtur Kroi i Mbretit, ka ndodhur një aksident i rëndë trafiku. Në një përplasje në mes të një autobusi dhe dy automjeteve kanë humbur jetën tre persona dhe disa të tjerë të plagosur.


Beogradi zyrtar dorëzon disa dokumente sekrete ushtarake e policore të kërkuara nga Tribunali i Hagës

Beograd, 28 dhjetor 2002 - Beogradi zyrtar njofton se ka hequr vulën tepër sekret nga disa dokumente ushtarake e policore të kërkuara nga Tribunali i Hagës për Krime Lufte. Hapi i ardhshëm i Beogradit do të jetë me gjasë transferimi i presidentit të Serbisë Millan Millutinoviq në Tribunalin e Hagës.

Jugosllavia është shtrënguar të bashkëpunojë me Tribunalin me qëllim të marrjes së ndihmës aq të nevojshme financiare.


Ministri maqedonas i drejtësisë thotë se fati i të zhdukurve do të ndriçohet sa më parë

Shkup, 28 dhjetor 2002 - Ministri i drejtësisë së Maqedonisë priti familijarët e gjashtë shqiptarëve të zhdukur gjatë luftës në këtë vend. Ministri deklaroi se fati i të zhdukurve duhet të ndriçohet sa më parë.

Familjarët e shqiptarëve të zhdukur do të takohen shumë shpejt edhe me presidentin e Maqedonisë Boris Trajkovski.


Beogradi do të shpallë në janar strategjnë e përbashkët për ndërlidhjen e bashkësisë serbe në Kosovë

Beograd, 28 dhjetor 2002 - Serbët e Kosovës dhe autoritetet e Beogradit nga fundi i janarit do të shpallin strategjinë e përbashkët për ndërlidhjen e bashkësisë serbe në Kosovë, ka paralajamëruar zëvendëskryeministri serb serb Nebojsha Çoviq.

Ai ka thënë se kërkesa për zgjidhje të përshpejtuar të statusit përfundimetar të Kosovës janë "politikanizëm klasik". Ai deklaroi kështu duke iu referuar kryeministrit Gjingjiq, i cili tha dje se statusi i saj duhet zgjidhur shpejt, sepse në çështjen e Kosovës koha punonte kundër Serbisë.


Presidenti maqedonas i ka bërë thirrje popullit që t'i japë fund mosdurimeve ndëretnike

Shkup, 28 dhjetor 2002 - Presidenti maqedonas Boris Trajkovski i ka bërë thirrje popullit të vendit të tij që të braktisë urrejtjen dhe t'i japë fund mosdurimeve ndëretnike dhe të mos përsërisë gabimet e vitit 2002.

Trajkovski u ka bërë apel të gjitha grupeve etnike që të lënë me një anë dallimet dhe keqkuptimet si dhe të punojnë për interesin e vendit. Ai ka shfaqur shpresën se me ndihmën e bashkësisë ndërkombëtare vitin e ardhshëm Maqedonia do të dalë nga kriza.


Arbër Xhaferi thotë se kriza e re politike në Maqedoni është pasojë e mungesës së vizionit

Tetovë, 28 dhjetor 2002 - Kryetari i Partisë Demokratike Shqiptare, Arbër Xhaferi deklaroi se kriza e re politike në Maqedoni është pasojë e mungesës së vizionit se si të tejkalohet situata aktuale e pasigurisë ndëretnike, sociale dhe ekonomike.

Në një takim me gazetarët në Tetovë Arbër Xhafer ka thënë se partia e tij nuk do ta thellojë krizën politike, por do të japë kontribut për zbutjen e saj. Ai shtoi se i takon qeverisë të realizojë dhe të zbatojë Marrëveshjen e Ohrit.


Të pakten 46 njerëz janë vrarë dhe mbi 100 janë plagosur nga dy shpërthime të fuqishme Çeçeni

Grozni, 28 dhjetor 2002 - Së paku 46 njerëz janë vrarë, kurse mbi 100 janë plagosur nga dy shpërthime të fuqishme në objektet e qeverisë pro-ruse në kryeqytetin e Çeçenisë.
Ministri i Brendëshëm çeçen, Ruslan Takjev tha se një kamion dhe një veturë përplotë material shpërthyes kishin depërtuar përtej objekteve qeveritare.

Asnjë grup nuk mori përgjegjësinë për shpërthimin, por kreu i administratës çeçene, Akhmad Kadyrov ka thënë se ai beson që lideri separeatist çeçen, Aslan Maskhadov ka urdhëruar sulm të organizuar.


Përfaqësesi i Maskhadovit demantoi akuzat e tha se “forcat e armatosura zyrtare të Çeçenisë nuk përdorin taktika vetëvrasëse me bomba”.


Bush dëshiron që Kongresi të miratojë ligjin i cili ndalon çfarëdo klonimi të njeriut

Kraford, 28 dhjetor 2002 - Presidenti Xhorxh Bush dëshiron që Kongresi të miratojë ligjin i cili ndalon çfarëdo klonimi të njeriut , duke besuar se kjo është tepër shqetësuese, thotë Shtëpia e Bardhë.
Po kwshtu, presidenti Zhak Shirak ka kritikuar përpjekjet për klonimin e sojit njeri dhe u ka bërë apel vendeve anembanë botës të nxjerrin jashta ligjit dhe ndëshkojnë përpjekjet për krijimin e klonit.


Shtëpia e Bardhë i ka bërë thirrje Koresë Veriore që të ndërpresë programet për armë bërthamore

Kraford, 28 dhjetor 2002 - Shtëpia e Bardhë i ka bërë thirrje Koresë Veriore që të ndërpresë programet për armë bërthamore, të ndryshojë kursin e tashëm dhe të ndërmarrë të gjitha hapat e domosdoshëm për eliminimin e tyre në mënyrë të verifikuar.

Korea Veriore njoftoi se i dëbon inspektorët e Kombeve të Bashkuara që mbikëqyrnin reaktorin e aftë të prodhojë plutonium për armë bërthamore dhe se shkonë tutje me ndërtimin e stabilimenteve bërthamore.

Zëdhënësi i Shtëpisë së Bardhë ka thënë se marrëdhëniet e Koresë Veriore me botën varen nga eliminimi i programeve të saj për armë bërthamore dhe se Shtetet e Bashkuara dhe aleatët e tyre synojnë zgjidhje paqësore të çështjes.


Opozita "fiton" zgjedhjet në Kenia

Keni, 28 dhjetor 2002 - Rezultatet paraprake të zgjedhjeve parlamentare dhe presidenciale në Kenia po mbështesin sugjerimet e sondazheve parazgjedhore se opozita dhe kandidati i saj për president, kanë arritur rezultate shumë të mira.
Sipas rezultateve paraprake, Presidenti Daniel arap Moi, i cili lë postin e kryetarit të shtetit pas 24 vjetësh, pritet që të zëvedësohet në post nga kandidati i opozitës keniane.
Po sipas këtyre rezultateve, duket se edhe ish-presidenti aktual i vendit ka humbur në zgjedhje.
Megjithatë, zyrtarët në Kenia thonë se do t'u duhen disa ditë para se të japin rezultatet përfundimtare të zgjedhjeve.


Vazhdon puna nën rrënojat e Groznit

Grozni, 28 dhjetor 2002 - Skuadrat e shpëtimit kanë vazhduar punën në rrënojat që la sulmi vetëvrasës i të premtes në një ndërtesë në kryeqytetin çeçen, Grozni. Gjatë sulmit humbën jetën së paku 46 vetë.
Presidenti rus, Vladimir Putin tha se Rusia po mban zi për viktimat e sulmit që shkatërroi zyrat e adminisitratës pro-ruse në kryeqytetin e Çeçenisë.
Z. Putin tha se është shtangur nga ai që ai e quajti një akt terrorist çnjerëzor, por shtoi se sulmi i të premtes nuk do ta thyejë vullnetin e çeçenëve të thjeshtë.
Ndërkohë, rebelët çeçenë, kanë marrë përsipër autorësinë e sulmit përmes faqes së tyre në internet.
Udhëheqësi pro-rus në Çeçeni tha se duhet hetuar se si dy makinat me eksploziv arritën të penetrojnë barrierat mbrojtëse të ndërtesës.


Korea e Jugut në sulm diplomatik për Veriun

Seul, 28 dhjetor 2002 - Qeveria koreanojugore po shton përpjekjet e veta për të mbledhur sa më shumë mbështetje ndërkombëtare për të ndaluar programet bërthamore që dyshohet se po zhvillon fqinji i saj verior.

Qeveria koreanojugore po shton përpjekjet e veta për të mbledhur sa më shumë mbështetje ndërkombëtare për të ndaluar programet bërthamore që dyshohet se po zhvillon fqinji i saj verior. Korea e Veriut planifikon që të nisë të dërguar të posaçëm në dy vende aleate të Veriut, Rusi dhe Kinë.