Shpirti amerikan

( American spirit )

- Georgia kishte shkruar shume shkresa-drejtuar zyrtarëve amerikanë, një ndër arsyet që përmendë ajo është se Laura shqiptare mban emrin e zonjës më të fuqishme të botës Laura Bush-it

- Ajo thotë se Laura shqiptare duhet të rritet e gëzuar, sepse shteti amerikan është nikoqir i familjes së saj

Miqigan (SHBA),  26 dhjetor 2002 / Agim Vuniqi

  
  

Gëzimi te njerëzitë është i ndryshëm, ashtu siç janë ata të ndryshëm. Dallimet nuk qëndrojnë vetëm në ngjyra, por edhe në gjuhë, në besime, por edhe qasjen ndaj gëzimit e kanë të ndryshme.

 

Edhepse i ambientuar paksa në jetën amerikane zemra më rrah vazhdimisht shqip, edhe pse dy nga katër fëmijtë e mij Qëndresa dhe Agoni kanë filluar të mendojnë anglisht dhe disa nga fjalët shqipe i belbëzojnë në anglishte (disa nga miqtë amerikanë më thojnë se gjuha e tyre është pa theks, duke kujtuar se me këtë më bëjnë një kompliment, por vetë unë në brendi të vetes sime e di domethënien e këtij komplimenti i cili veçse ka prekur në fjalën aq të përsëritur ndër shqiptarë-asimilim, temë shpesh e trajtuar në bisedime dhe tryeza të ndryshme, por pa ndonjë veprim konkret), për atë edhe gëzimi im ishte jo i zakonshëm, me padurim prisja ardhjen e prindërve të mij (Hafirit dhe Qamiles) që kishin përjetuar shumë peripeci gjatë jetës së tyre (gjatë tërë kohës së bombardimeve kishin mbetur të ngujuar në shtëpi, që të dytë të sëmurë nga sëmundjet e zemrës).

 

Një ftesë për vizitë që ua kisha dërguar atyre kishte qenë e mjaftueshme për zyrtarët në ambasadën amerikane në Shkup (shpresoj shumë shpejt në Prishtinë), që t'ua mundësonë atyre ardhjen në SHBA duke i pajisur me një vizë njëvjeçare. Përveç ndjenjave fëmijërore (edhe pse në moshë të pjekurisë), vizitës i gëzohesha për faktin se ata do të ishin një kohë me fëmijtë e mi, dhe se në banesën time dy dhomëshe do të kumbojë fjala shqip fuqishëm, ku fjalët e gëzimit dhe hidhërimit do t'i zgjojnë ndjenjat e mëpleksura.

Rugëtimi Michigan - Maryland e më vonë Washington DC është paksa i gjatë po që se nuk ndalesh bile detyrimisht për të mbushur rezervoarin me gas. Shumë amerikanë nga të gjitha shtetet marrin këtë rrugëtim ditëve të festës. Vendi ku takohen është Capitoll Hill dhe shtëpia e bardhë, e para është qendër e drejtësisë amerikane por edhe botërore ndërsa tjetra është shtëpia ku flejnë çifiti me i fuqishem në botë George Bush dhe Laura Bush.

Nikoqiri i cili na priti në Hagerstown kishte blerë një shtëpi të bukur, ai jetonte me të shoqen dhe katër fëmijë, dy çunat e tij (Shpendi dhe Leventi) punonin nga 16 orë në ditë shtatë ditët e javës (atë kohë të lirë që kishin shkonin në xhami për të falur vaktet e namazit, dhe në gjum, kohë për argëtime tjera nuk kishin), këtë orar të punës e mbanin prejse kishin ardhur në SHBA, por ata kujdeseshin shumë për të motrën Laurën e cila mbante emrin e zonjës së parë në botë.

Laura ka pengesa shëndetesore (që nga lindja) dhe ajo do te operohet në njërën nga qendrat më të njohura spitalore në Washington DC, operacioni do të kushton afro $106,000, është caktuar edhe data e operacionit 15 janar 2003. Edhe pse kjo familje shqiptare punon pa ia nda, burrë, grua dhe dy femijtë, me siguri nuk do te kishte mundësi të paguan te gjitha shpenzimet, duke pasur për bazë se operacioni ka të bëjë edhe me kirurgji estetike, që nuk pranohet nga asnjë kompani e sigurimeve, por, Georgia 71 vjeçare (besimtare e devotshme e besimit kristian) mike e kësaj familjeje ka bërë të pamundurën, ajo ka bërë trysni në vetë administraten shtetërore që Laurës nga Kosova t'i mundësohet operimi dhe kurimi, pa pagesë.

Georgia, me këtë familje është njoftuar përmesë Laurës (atë e kishte takuar në njërën nga shitoret e mëdha në Hagerstown, ishte afruar dhe kishte shprehur dëshirën që t'i vizitonte, që nga atëherë ajo është vizitore dhe mike e përhershme në shtëpinë e Ali Maxhunit) ajo ishte një nëpunëse me karrierë në njërën nga qendrat për pagesën e tatimeve në Hagerstown, ajo kishte shkruar shume shkresa-drejtuar zyrtarëve amerikanë, një ndër arsyet që përmendë ajo është se Laura shqiptare mban emrin e zonjës më të fuqishme në botë, Laura Bush-it, ajo thotë se Laura shqiptare duhet të rritet e gëzuar, sepse shteti amerikan është nikoqir i familjes së saj.

Familja e Laurës shqiptare erdhi në SHBA pas një fushate gjenocidale kundër shqiptarëve të regjimit fashist Millosheviqian i cili spastroi me forcë etnikisht Kosovën, për disa ditë. Në aeroplanin i cili bartëte refugjatët shqiptarë ndodhi edhe një tragjedi, nëna e Aliut (babait të Laurës) kishte ndërruar jetë për disa orë, anëtarët e familjes mbanin lotin të ngujuar duke mos dashur të trazojnë familiarët tjere, Aliu nënës së vdekur i kishte vu masken me oksigjen, asnjëri nga udhëtarët nuk dinte asgjë. Disa çaste pa ateruar ne aeroportin e New Yorkut ishin njoftuar anëtarët e ekuipazhit, te cilet kishin kontaktuar me qendrën logjistike në tokë.

Për këtë ishte njoftuar edhe kryetari i atëhershëm Clinton i cili kishte dërguar edhe një telegram ngushllimi, ishte organizuar edhe falja e namazit të xhenazes në xhaminë shqiptare në New Jersey (të gjitha shpenzimet i kishte bartur qeveria amerikane). Qendra kryesore ku ishin strehuar refugjatët ishte ne Fort Diks, nga aty ata ishin drejtuar në qendra të ndryshme të SHBA-së.

Familja Maxhuni u vendosë në Maryland në qytetin Hagerstown, sponsor të tyre ishte qendra islamike e këtij qyteti, ata kanë vetëm fjalë miradie dhe rrespekti për të gjithe anëtarët e kësaj qendre, në mesin e së cilës ka shumë mjekë, të cilët edhe u përkujdesën që nga fillimi për këtë familje shqiptare.

Laura shqiptare edhe pse e hendikepuar shëndetësisht u lidhë fuqishëm që nga fillimi me Georgia-n amerikane, një takim i rastësishem do të ndërroi edhe jetën e saj për të ardhmen, Georgia dhe Laura janë te pandara, edhe pse ndryshimi në moshë është për tri gjenarata.

Copyright©2000-2002 Trepca.net - Të drejtat e rezervuara.