Situatë e qetë në komunën e Podujevës

		Podujevë, 20 dhjetor 2002 (TN) - Mosmarrveshjet në mes të gazetarëve dhe policisë së UNMIK-ut në Podujevë që për pasojë patën pezullimin e përkohshëm të bashkëpunimit tashmë i takojnë të kaluarës ngase falë mirëkuptimit të dyanshëm bashkëpunimi do të vazhdojë edhe në të ardhmen ka njoftuar komandanti i policisë së UNMIK-ut në Podujevë, John Doucette duke vazhdua se as ne si polici dhe as ju si gazetarë nuk duhet të punojmë sipas emocioneve por sipas rregullave të punës që kemi të përcaktuara.   Ai me këtë rast njoftoi se kjo është bërë në saje të konsultës që ka bërë stafi komandues i  stacionit policor në Podujevë me komandantin e policisë regjionale në Prishtinë Robbi Padlov.   Kryetari i Shoqatës së Gazetarëve llapjan z. Fadil Halimi pasi që ka vlersuar se gjatë tri vjetëve të kaluara bashkpunimi në mes policisë së UNMIK-ut dhe gazetarëve ka qenë në nivel, në emër të këtij asociacioni ka falenderuar z.Doucette për gatishmërin e tij për të bashkëpunuar në të ardhmen.

 

Z. Halimi  me këtë rast këmbënguli që gazetarët llapjan nuk e kanë keqinterpretuar fjalën e zv.komandantit të UNMIK-ut Wiegant. Doucette me këtë rast njoftoi se pas Vitit të Ri të gjitha lokalet hoteliere në këtë komunë nuk do të lejohen të punojnë pas orës 24.

 

Ndërsa parandalimin e shitjes së fishekzjarreve dhe petardeve z. Douccette tha se për këtë duhet të sjell vendim Kuvendi i Komunës i Podujevës në mënyrë që atë ta zbatojë më pas policia e UNMIK-ut.

 

Në vazhdim z.Doucette ka njoftuar për situatën e sigurisë në komunën e Podujevës ku gjatë kësaj jave  ka ndodhur një tentim vrasje, dy plaqkitje, një rast kërcnimi, pesë mosmarrveshje, pesë raste të tentim rrahjes, shtatë raste të tentim vjedhjes, pesë aksidente në trafik etj.

 

Po ashtu ai njoftoi se gjatë kësaj jave në Stacionin policor në Podujevë kanë filluar punën edhe 21 pjestarë të SHPK-së.

 

Në vazhdim të konferencës me gazetarë përfaqësuesit e KFOR-it çek e sllovak dhe britanik paraqitën aktivitetin e tyre gjatë kësaj jave ku si njoftoi komandanti i KFOR-it çek e sllovak nënkoloneli Peter Prochazka është ndërmarr një operacion i pagëzuar me emërin "Reptili"ku është kontrolluar fshati Lluga.

 

“Fshati Llugë  është kontrolluar si pasojë e ndëgjimit të krismave të shpeshta, kurse pas kontrollimit kemi gjetur një armë, dhe disa armë të ftohta” tha z. Peter Prochazka duke vazhduar se  aksionet e KFOR-it do të vazhdojnë edhe në të ardhmen aty ku dëgjohen krisma.

 

Në fund të preskonferencës së sotme për gazetarë zëdhënësi i KROR-it britanik z.Peter Horne njoftoi për 80 patrollime që ka bërë KFOR-i dhe sipas tij gjendja e sigurisë në komunën e Podujevës është e qetë.

Copyright©2000-2002 Trepca.net - Të drejtat e rezervuara.