LDK-ja dhe fituese morale, Ibrahim Rugova president moral i Kosovës

Me rastin e ditëlindjes së 12-të

LDK-ja dhe fituese morale, Ibrahim Rugova president moral i Kosovës

23 dhjetor 2001 / Prenk GJONBALAJ



Hyrje

"Per demokraci, kundër dhunës" ishte motoja e atëhershme e "Alternativës se Kosovës", e cila u formua pas legalizimit te pluralizmit politik në ish-Jugosllavi dhe bashkonte gati të gjithë intelektualët shqiptar të Kosovës dhe me të drejtë e kishin përkrahjen e gjithë popullsisë shqiptare të Kosovës.
Një prej subjekteve kryesore të kësaj lëvizje ishte LDK-ja, ndërsa njëri, prej një morie populli, që i personifikoj dhe i bashkoj interesat politik të kosovarëve rreth kësaj partije ishte dhe mbetet padyshim Ibrahim Rugova.

LDK-ja ka hyrë në dhjetëvjetshin e dytë të ekzistimit dhe është një ndër subjektet juridike më të lashta dhe më të njohura të Kosovës. Kjo epokë nuk ishte aspak e lehtë për LDK-në, formimi, organizimi dhe funksionimi i organeve të athershme të Republikës së Kosovës nën thundrat serbe nuk ishin aspak të lehtë, megjithatë popullsia e Kosovës zgjodhi dhe përkrahu institucionet e Kosoves si dhe nuk iu nënshtrua regjimit serb.

E kaluara
Popullsia e Kosovës me kontributet dhe ndihmat e shumta gjatë viteve të 90-ta ia arriti t`a financoj funksionimin e jetës paralele kundrejt asaj që kërcnohej të iponohej nga okupuesi. Edhepse në kushte shumë të vështira shkollat, fakultet dhe mjetet e informimit nuk pushuan se frymuari shqip.
SHHB "Nënë Tereza" me mjetet e tubuara nga popullsia ndihmoi shumë familje që ishin buzë humnerës së ekzistencës, edhepse numri i këtyre familjeve rrritej dita-ditës. Gjithashtu edhe mjekët që punonin rreth kësaj shoqate mundoheshin që t´a japin kontributin e tyre medicional me kushte më të volitshme financiare për popullsinë që kishte aq nevojë.
Gjendja për shumicën e popullsisë bëhej gjithnjë e padurueshme, rinia kosovare nuk kishte më kurrfarë perspektive e as braktisja e Kosovës nuk ishte më zgjidhje e problemeve.
Protestat që oraganizoheshin mbrenda Kosovës nga rinia studenteske dhe në shumë vende në diasporë nuk ndryshonin shumë dhe kontribonin shumë pak ne internacionalizimin e çështjes së Kosovës.
Udhëheqsia e LDK-së dhe Ibrahim Rugova të bindur se lufta është e pashmangshme dhe pasojat e luftës do të jenë rënda për popullsinë shqiptare të Kosovës nëse nuk punohet në internacionalizimin e problemit të Kosovës filloi të trokas nëpër të gjitha dyert e rëndsishme diplomatike botrore.
Përkundër prijesve tjerë nacional në rajonin e ish-Jugosllavisë që kishin formuar ushtritë e legale dhe ilegale nacionale dhe zhvillon luftra në Kroaci dhe B e H simbas prinzipit secilin kunder secilit, Ibrahim Rugova në xhepin e tij kishte vetëm kërkesa paqësore dhe legjitime jo vetëm për popullin shqiptar të Kosovës por edhe për stabilitetin e rajonit.

Në këtë stil Rugova fitoi një simpati të gjërë në parketin e diplomacisë perëndimore, u pranua si prijësi legjitim i shqiptarëve të Kosovës, u dekorua me shumë mirënjohje për kontributin e tij për paqë. Ndërsa brenda Kosovës nga qarqet shqiptare fillon një rezistencë ndaj LDK-së dhe Rugovës.

Golgota

Me paraqitjen publike të UÇK-së Rugova vie para një dileme; nga njëra anë diplomacia botrore e njihte atë si "Gandi i Kosovës" dhe një prijës paqësor qe është kundër çdo lloj dhune ndërsa në anën tjetër udhëheqesia e UÇK-së e akuzon për kolaborim me armikun dhe si antiçlirimtar.
Rugova edhe pas fillimit të luftës në Kosovë i mbeti besnik opcionit të paqës dhe angazhohej për një hyrjen e forcave të NATO-s në Kosovë, si opcion i vetëm për shpëtimin e popullsisë kosovare nga gjenocidi që ushtronin forcat serbe asokohe.

Udhëheqësia e UÇK-së, disa subjekte tjera politike që nuk kishin kurrfarë përkrahje nga populli por vetëm nga Udheqësia e UÇK-së, disa të ashtuquajtur apo të vetquajtur intelektual të pavarur dhe analistë, kerkonin pothuaj nga LDK-ja që ti pushoj aktivitet e saja dhe mos të merrë pjesë në bisedimet qe zhvilloheshin për Kosovën.

LDK-ja parqitej në skenë vetëm falë prestigjit që kishte krijuar vite më parë në arenen perendimore dhe me angazhimin e ndërmjetsuesve ndërkombtarë qe ishin të mendimit se edhe kjo parti duhet të marrë pjesë në vendimet që mirren për Kosovë.
Gjatë Konferencës së Rambujes LDK-ja, subjketi më i madh politik që e njihte populli edhepse i përfaqësuar shumë dobët në krahisim me disa parti tjera që iu mungonin anëtarët për formimin e kryesive, megjithëatë u tregua koperuese dhe bëri shumë kompromise për hirë të shkurtimit të vuajtjeve të papara që përjetonte populli i Kosovës gjatë mbajtjës së kësaj mbledhje.
Udhëheqësia e athershme e UÇK-së i dha vetit mandatin që ta formojë Qeverinë e Përkohshme duke injoruar LDK-n tërësisht.
Pjesëmarrësit e LDK-së në këto bisedime të zhgënjyer por me gjasë së bashkësia ndërkombëtare dhe NATO-ja do t´ju japin fund vuajtveve dhe holocaustit të popullsisë kosovare kthehen nga Rambujea në mesin e popullit aty ku kishin qëndruar gjatë gjithë kohës, në shtëpitë e tyre.
Kjo ishte për LDK-në arritja në Malin e Kalvarit; pas disa ditësh kryetari Ibrahim Rugova mirret peng, nënkyetari Fehmi Agani vritet nga okupatori.

Për Lidhjen Demokratike të Kosovës nuk ishte kjo humbja e parë, para dhe pas këtyre ngjarjeve angazhimin dhe kontributin që dhanë për LDK-n dhe për popullin e paguan disa bijë të saj me jetë.
Kryengritja e armatosur e filluar nga Komandanti legjendar Adem Jashari e vazhduar më pasë nga UÇK-ja, vuajtjet e pupollsisë civile, viktimat e shumta, deportacioni pothuaj gati i gjithë popullsisë kosovare dhe jo së fundi kontributi i LDK-s në internacionalizimin e Qështjes së Kosovës detyruan një intervenim të NATO-s dhe me këtë perfunduan luftën në Kosovë duke larguar tërësisht Serbinë nga Kosova.
Ringjallja

Pas ardhjes së forcave të NATO-s në Kosovë mbretronte nje vakum politik;

"Qeveria e Përkohshme e Kosovës" mundohet ta shfrytëzojë mungesën e Rugovës dhe ti marrë kompetencat që të udhëheqë në emër të kosovarëve, edhepse për shumicën e popullsisë ekzistonte një qeveri, një parlament dhe një kryetar tjetër.
Për këtë qeveri Rugova ishte politikisht i vdekur dhe këta i gëzoheshin mosprezencës së tij në Kosovë.

Rugova kthehet në atdhe, populli i brohorit.
Kundërthëniet mes këtij problemi se kush duhet të qeveris me Kosovën dhe kush është përfaqësuesi legjitim i popullit shpiejn deri te shuarja e Parlamentit, Kryetarit dhe gjitha Qeverive si dhe shuarjen e UÇK-së.
Kështu arbitron dhe mendon Administrata e Kombeve të Bashkuara e instaluar në Kosovë dhe fillon regjistrimin e popullsisë si dhe përgatitjet për zgjedhje e lira.
Zgjedhjet komunale mbahen në tetor të vitit 2000, LDK fiton mbi 50%, në zgjedhjet parlamentare në nëntor të këtij viti LDK fiton 46% të votave.
Gjitha subjektet tjera politike që para ktyre zgjedhjeve deklaroheshin si përfaqësues të popullit, që morën pjesë në Konferencën e Rambujes të barabartë me LDK-në, që ishin të përfaqësuar edhe në KPA ngjajshëm si LDK-ja, gjitha këto parti së bashku fituan diku mbi 30% të besimit të popullit.

Sot kur Lidhja mbush 12 vjet duhet të jetë krenare me punën e saj dhe ta vazhdojë rrugën e filluar për idealin kryesor; Pavarësinë e Kosovës e bindur dhe me përgjegjësi sepse prapa saj qëndron së paku çdo i dyti kosovar.
LDK-ja që gjithmonë angazhohet për Kosovën e lirë dhe demokratike për të gjithë banorët e saj, që gjithmonë flet si mendon, që kurrë nuk i ka sulmuar kundershtarët politik, as verbalisht e as fizikisht, e urtë dhe e vetëdijshme personifikon shpirtin ideal të shqiptarit, ky shpirt i urtë i shqiptarit më së miri është mishëruar në personalitetin e Ibrahim Rugovës.

Prej këtu rrjedh i gjithë mëllefi i kundërshtarëve politik të Rugovës dhe këtu është qelësi i suksesit të tij.

-Të tjerët angazhohen për "bashkëqeverisje" dhe mundohen t`ju marrin LDK-së besimin qe kanë marrë nga populli, këtë "bashkëqeverisje" populli e kupton si anarki.

-Të tjerët shkruajnë për krijimin e institucioneve dhe braktisin mbledhjet në shtëpinë e popullit (Kuvendit), këtë populli e lexon si totalitarizëm.
Përderisa të pyetet vullneti i popullit në zgjedhje të lira do të ekzistoj edhe LDK.ja, e nëse "Fjala e popullit është fjala e Zotit" atëherë LDK-ja nuk duhet të brengoset për të ardhmen e saj.